ކ. މާލެ
|
7 ޖޫން 2017 | ބުދަ 02:14
ބާސާއަށް ކުޅެމުން އަންނަ ތުރުކީގެ ތަރި އަޑާ ޓުރާން
ބާސާއަށް ކުޅެމުން އަންނަ ތުރުކީގެ ތަރި އަޑާ ޓުރާން
ގޯލް.ކޮމް
ފުޓުބޯޅަ
އަޑާ ޓުރާން ގައުމީ ޓީމަށް ކުޅުން ހުއްޓާލައިފި
 
ޓުރާން ވަނީ އެކަމާ ބެހޭގޮތުން އޭނާގެ ރަސްމީ އިންސްޓަގްރާމް އެކައުންޓުގައި ނުރުހުން ފާޅުކޮށްފަ

ސްޕެއިންގެ ދަގަ ބާރު ބާސެލޯނާއަށް ކުޅެމުން އަންނަ ތުރުކީގެ ތަރި އަޑާ ޓުރާން ތުރުކީގެ ގައުމީ ޓީމަށް ކުޅުން ހުއްޓާލިކަން އިއުލާން ކޮށްފިއެވެ.

މީޑިއާ ރިޕޯޓަތައް ބުނާ ގޮތުން ޓުރާން ކުޅުން ހުއްޓާލާފައިވަނީ ގައުމީ ޓީމާއެކު ކުރި ދަތުރެއްގައި ނޫސްވެރިއަކާ ދެމެދު ހިނގާދިޔަ ހަމަނުޖެހުން ތަކަކަށް ފަހުގައެވެ. ބޭރުގެ ކުޅިވަރު ހަބަރު ފަތުރާ މީޑިއާތަކުން ރިޕޯޓްކޮށްފައިވާ ގޮތުގައި ތުރުކީއިން، މެސެޑޯނިއާ އާއި ދެކޮޅަށް ކުޅުމަށްޓަކާ އެގައުމަށް ކުރި ދަތުރުގައި ފްލައިޓް ތެރޭގައި ޓުރާން އާއި ނޫސްވެރިއަކާއި ދެމެދު ވަނީ ހަމަނުޖެހުންތަކެއް ހިނގާފައެވެ. އަދި މި ހަމަނުޖެހުން ތަކަށްފަހުގައި އޭނާގެ އިންސްޓަގަރާން ރަސްމީ އެކައުންޓް މެދުވެރިކޮށް އެކަމާއި ކަނބޮޑުވުން ފާޅުކޮށްފައި ވާކަމަށްވެސް މީޑިއާތަކުން ވަނީ ރިޕޯޓްކޮށްފައެވެ.

އަންގާރަ ދުވަހު އޭނާ ވަނީ ގައުމީ ޓީމަށް ކުޅުން ހުއްޓާލަން ނިންމާފައިވާކަން ރަސްމީކޮށް އިއުލާން ކޮށްފައެވެ. އެގޮތުން ޓުރާން ބުނެފައިވަނީ، އޭނާ ވަރަށް ހިތްހަމަ ނުޖެހޭ ކަންތަށްތަކެއް ހިނގާފައި ވާކަމަށާއި، އެކަމާއި ދޭތެރޭގައި ހިތްހަމަނިޖެހުން ފާޅުކުރާ ކަމަށެވެ. އަދި ގައުމީ ޓީމުގެ ކޯޗާއި، ތުރުކީގެ ފުޓުބޯޅަ މައި އިދާރާގެ ރައީސް އާއިވެސް މަޝްވަރާ ކުރުމަށްފަހު ގައުމީ ޓީމަށް ކުޅުން ހުއްޓާލަން ނިންމާފައިވާ ކަމަށެވެ.

އިތުރަށް ވާހަކަ ދައްކަމުން ޓުރާން ބުނެފައިވަނީ، ދޮގު ހަބަރު ފަތުރާ ނޫސްވެރިންގެ ސަބަބުން ކުޅުންތެރިންނާއި ޓީމަށް ވަރަށް ބޮޑު އަސަރުތަކެއް ކުރާކަމަށާއި، އެކަންތައްތައް ހުއްޓާލަން އެދޭ ކަމަށެވެ. އަދި އޭނާ އަބަދުވެސް ގައިމީ ޓީމަށް ފުރިހަމައަށް އިހުތިރާމް ކުރާ ކަމަށްވެސް ޓުރާން ވަނީ ބުނެފައެވެ.

ބާސެލޯނާ އާއި އެކި ގިނަ ކާމިޔާބީތަކެއް ހޯދާފައިވާ ޓުރާން ގައުމީ ޓީމަށް ކުޅުން ހުއްޓާލިއިރު، އޭނާވަނީ ގައުމީ ޓީމަށް މިހާތަނަށް 17 ގޯލު ކާމިޔާބުކޮށްދީފައެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: ހުސެން ފިޔާޒް
0%
0%
0%
0%
0%
0%
ކޮމެންޓް