ޓީ10 ކްރިކެޓް: މިލާންއަށް ޗެމްޕިއަންކަން

ކްރިކެޓް ބޯޑް އޮފް މޯލްޑިވްސް (ސީބީއެމް) އިން ރާއްޖެއަށް މުޅިން އަލަށް ތައާރަފްކޮށްގެން ކުރިއަށް ގެންދާ ޓީ10 ކްރިކެޓް މުބާރާތުގެ ޗެމްޕިއަންކަން މިލާން ކްރިކެޓް އެކެޑަމީއިން ކާމިޔާބުކޮށްފިއެވެ.

މިއީ މިލާނުން ބޮޑު މުބާރާތެއް ކާމިޔާބުކުރި ފުރަތަމަ ފަހަރެވެ. ސީބީއެލް ސްޕޯޓްސް އާއި ވާދަކޮށް މިލާނުން ފައިނަލް މެޗު ކާމިޔާބުކުރީ 51 ރަންއިންނެވެ.

ސީބީއެލްއިން ކުޅެންއަރާ 10 އޯވަރު ހަމަވިއިރު ފަސް ކުޅުންތެރިން ނުބައިވެގެން ހެދުނީ 66 ލަނޑެވެ. މިލާނުން ކުޅެންއަރާ 10 އޯވަރު ހަމަވިއިރު ތިން ކުޅުންތެރިން ނުބައިވެގެން 117 ލަނޑު ހެދިއެވެ.

އެވެނީގައި ކުރިއަށްދިޔަ މުބާރާތުގެ ފައިނަލް މެޗު ނިންމާލުމަށްފަހު ވަނަތަށް ކާމިޔާބުކުރި ކުޅުންތެރިންނަށާއި ޓީމުތަކަށް އިނާމު ހަވާލުކުރީ ކްރިކެޓް ބޯޑު އޮފް މޯލްޑިވްސްގެ ރައީސް މުހައްމަދު ފައިސަލް އާއި މޯލްޑިވްސް އޮލިމްޕިކް ކޮމިޓީގެ ރައީސް މުހައްމަދު އަބްދުލް ސައްތާރެވެ.