ޤާއުމީ ބާސްކެޓް މުބާރާތުގެ ތަށި ކިންގްސް ބީސީ މިލްކްކޮށްފި
19 މާރިޗު 2022 | ހޮނިހިރު 05:51އަންހެން ޑިވިޝަންގެ ޗެމްޕިއަންކަން ހޯދީ ސައިކްލޯން
ިކިންގްސް ކުޅުންތެރިން ތަށްޓާއެކު
ޤައުމީ ބާސްކެޓްބޯޅަ މުބާރާތުގެ ތަށި ކިންގްސް ބާސްކެޓްބޯޅަ ކްލަބުން މިލްކްކޮށްފިއެވެ. މެޗަކުން ބަލިނުވެ ލީގު ޗެމްޕިއަންކަން ހޯދުމަށްފަހު, ޤައުމީ ޗެމްޕިއަންކަންވެސް ކިންގްސްއިން ހޯދީ މެޗަކުން ބަލިނުވެއެވެ.
ޤައުމީ މުބާރާތުގެ ފައިނަލް މެޗު ކިންގްސް ބީސީ އިން ކާމިޔާބުކުރީ ރެޑްވިންގްސް އާ ވާދަކޮށް 88-74 ޕޮއިންޓުންނެވެ. މިދިޔަ ދެ އަހަރު ނުބޭއްވުނު މުބާރާތް އޭގެ ކުރީ ދެ އަހަރުވެސް ކާމިޔާބުކުރީ ކިންގްސްއިންނެވެ. ފައިނަލުގައި ރެޑްވިންގްސް ބަލިވިނަމަވެސް އެމީހުން މުބާރާތުގެ ފައިނަލަށް ދަތުރުކުރީ ޓީރެކްސް ކަޓުވާލުމަށްފަހުގައެވެ. މުބާރާތުގެ މޮޅު ކުޅުންތެރިއަކީ ފައިނަލް މެޗުގައި ތަފާތު ދެއްކި ކިންގްސްގެ ބެންޑޯއެވެ.
މުބާރާތުގެ އަންހެން ޑިވިޝަންގެ ޗެމްޕިއަންކަން ހޯދީ ސައިކްލޯން ބާސްކެޓްބޯޅަ ކްލަބެވެ. ޤައުމީ ތަށި ސައިކްލޯންއިން ހޯދީ ފައިނަލްގައި ބެންޗް ސްޕޯރޓްސް ކްލަބް ބަލިކޮށްގެންނެވެ. ފައިނަލް މެޗު ސައިކްލޯކް ކާމިޔާބުކުރީ 95 ޕޮއިންޓް 43 ޕޮއިންޓުންނެވެ. މުބާރާތުގެ މޮޅު ކުޅުންތެރިއަކީ ސައިކްލޯންއަށް ކުޅުނު ސަރބިއާގެ އަނާ ބްރޮނޮވްޔަކްއެވެ.
