ރައްޖޭގައި މިމަހު 17 ވަނަ ދުވަހު ބޭއްވުމަށް ހަމަޖެހިފައިވާ މޯލްޑިވްސް ސްޕޯޓްސް އެވޯޑްސްގައި ބައިވެރިވުމަށް ލަންކާގެ ނެޓްބޯޅަ ކުޅުންތެރިޔާ ތަރްޖީނީ ސިވަލިންގަމް (ޖެނީ) އަށް ދެއްވާފައިވާ ދައުވަތު ގަބޫލުކޮށްފިއެވެ.
މިހާރު ކުޅުން ހުއްޓާލާފައިވާ ޖެނީ ވަނީ 2011 ވަނަ އަހަރު ދުނިޔޭގެ އެންމެ މޮޅު ޝޫޓަރުގެ މަގާމު ކާމިޔާބުކޮށްފައެވެ. އަދި 2019 ވަނަ އަހަރުގެ ވޯލްޑްކަޕް ސީރީޒްގެ އެންމެ ގިނަ ސްކޯކުރި ކުޅުންތެރިޔާގެ މަގާމުވެސް ކާމިޔާބުކޮށްފައިވަނީ ޖެނީއެވެ. މީގެ އިތުރުން 15 ވަނަ ނެޓްބޯޅަ ވޯލްޑް ޗެމްޕިއަންޝިޕްގެ އެންމެ ގިނަ ސްކޯކުރި ކުޅުންތެރިޔާގެ މަގާމާއި، ވޯލްޑްކަޕެއްގައި ދުނިޔޭގެ ދެވަނައަށް އެންމެ ގިނަ ގޯލް ޝޫޓް ކުރި ކުޅުންތެރިޔާގެ މަގާމުވެސް ޖެނީ ހާސިލްކޮށްފައިވެއެވެ.
ގޯލް ޝޫޓީންގެ 96 އިންސައްތައާއެކު އޭޝިއާގެ ރެކޯޑު އޮތް ޖެނީ ވަނީ 2011 އަދި 2012 ވަނަ އަހަރު ބޭއްވި ވޯލްޑް ނޭޝަނަލް ޗެމްޕިއަންޝިޕްގައި ލަންކާ ޓީމުގެ ކެޕްޓަންކަންވެސް ކޮށްފައެވެ.
ރާއްޖޭގައި ބޭއްވުމަށް ހަމަޖެހިފައިވާ މި ގާލާގައި ދުނިޔޭގެ އެހާރާއި މިހާރުގެ މަޝްހޫރު 15 ކުޅުންތެރިން ނޫނީ ކުޅިވަރުގެ ޝަހުސިއްޔަތުން ރާއްޖެ އައުމަށް ހަމަޖެހިފައިވެއެވެ.
