ހަނގުރާމައަށް ގޮސް ހާލުގައި ޖެހުމުން ރާއްޖެ ގެނައި އާއިލާގައި ހިމެނޭ ދެ ކުއްޖަކަށް ރަށްވެހިކަން ދީފި
11 މާރިޗު 2022 | ހުކުރު 16:57އާއިލާގައި ހިމެެނެނީ 33 އަހަރުގެ އަންހެނަކާއި 18 އަހަރު ނުފުރޭ ހަތަރު ކުޑަކުއްޖަކު
ރާއްޖެ ގެނައި އާއިލާ މިހާރު ތިބީ އިދާރީ ބަންދެއްގައި ރީ-އިންޓަގްރޭޝަން ސެންޓަރުގައި
ރާއްޖެއިން ބޭރުގެ ހަނގުރާމަވެރި ސަރަހައްދުތަކަށް ގޮސް ހާލުގައި ޖެހުމުން ރާއްޖެ ގެނައި އާއިލާގައި ހިމެނޭ ކުދިންގެ ތެެރެއިން ރާއްޖެއިން ބޭރުގައި އުފަންވި 2 ކުއްޖަަކަށް ރާއްޖޭގެ ރަށްވެހިކަން ދީފިއެވެ.
ފުލުހުން ބުނީ އެކުދިންނަށް ރަށްވެހިކަން ދީފައިވަނީ، ގާނޫނުގައި ބަޔާންކޮށްފައިވާ ގޮތުގެ މަތިން ޑީއެންއޭ ކަށަވަރު ކުރުމަށްފަހުގައި ކަަމަށެވެެ.
ހަނގުރާމައަށް ގޮސް ހާލުގައި ޖެހިފައިވާ ދިވެހި އާއިލަތައް ރާއްޖެ ގެނެސް ރީ-އިންޓަރގްރޭޓް ކުރުމަށް ފަށާފައިވާ ޕްރޮގްރާމްގެ ތެރެއިން ފުރަތަމަ އާއިލާ ރާއްޖެ ގެނެސްފައިވަނީ ހުކުރު ދުވަހުއެވެ. އެ އާއިލާގައި ހިމެެނެނީ 33 އަހަރުގެ އަންހެނަކާއި 18 އަހަރު ނުފުރޭ ހަތަރު ކުޑަކުއްޖަކެވެ. މިއީ ހަނގުރާމައަށް ދިޔަ އާއިލާއެއް ރާއްްޖެ ގެނައި ފުރަތަމަ ފަހަރެވެ. އެ މީހުން މިހާރު ތިބީ އިދާރީ ބަންދެއްގައި ރީ-އިންޓަގްރޭޝަން ސެންޓަރުގައެވެ.
ފުލުހުން ބުނީ ގާނޫނުގައިވާ ގޮތުގެ މަތިން އެ މީހުން ރިސްކް އެސެސްމަންޓް ހެދުމަށްފަހު ޖިނާއީ ތަހުގީގު ހިންގަންޖެހޭ މީހަކު ހުރިނަމަ ތަހުގީގު ހިންގާނެ ކަމަށެވެ. އަދި ކުޑަކުދިންގެ ތެރެއިން ދެ ކުއްޖަކު އުފަންވީ ރާއްޖެއިން ބޭރުގައި ކަމަށްވާތީ އެ ކުދިންގެ ޑީއެންއޭ ހެދުމަށްފަހު އެ ކުދިންގެ ރައްޔިތުކަމާއި ގުޅޭ ކަންކަން މިހާރު ހަމަޖައްސާފައިވާ ކަމަށެވެ.
