ހުރާއަށް ފެނާއި ކަރަންޓުގެ ޚިދުމަތް ފޯރުކޮށްދިނުން ފެނަކަ އާއި ހަވާލުކޮށްފި
ހުރާ އަކީ ކ. އަތޮޅުގައި ފެނަކައިން ކަރަން، ފެން އަދި ނަރުދަމާގެ ހިދުމަތް ފޯރުކޮށްދޭ ފުރަތަމަ ރަށް
ހުރާއަށް ފެނާއި ކަރަންޓު އަދި ނަރުދަމާގެ ޚިދުމަތް ފޯރުކޮށްދިނުން ފެނަކަ ކޯޕަރޭޝަން ލިމިޓެޑްއާއި ހަވާލުކުރުމަށް ބޭއްވި ރަސްމިއްޔާތުގެ ތެރެއިން
ކ. ހުރާއަށް ފެނާއި ނަރުދަމާ އަދި ކަރަންޓުގެ ޚިދުމަތް ފޯރުކޮށްދިނުން ފެނަކަ ކޯޕަރޭޝަން ލިމިޓެޑާއި ހަވާލުކޮށްފިއެވެ.
ފެނެކަ ކޯޕަރޭޝަނާއި މި ޚިދުމަތްތައް ހަވާލުކުރުމުގެ ކުރިން ހުރާއަށް ފެނާ ނަރުދަމާ އަދި ކަރަންޓުގެ ޚިދުމަތް ފޯރުކޮށްދެމުން ދިޔައީ އެ ރަށު ކައުންސިލުންނެވެ.
ހުރާގެ ކަރަންޓު، ފެން އަދި ނަރުދަމާގެ ޚިދުމަތް ފޯރުކޮށްދިނުމަށް ފެނަކަ އާއި ރަސްމީކޮށް ހަވާލުކޮށްފައި ވަނީ އަންގާރަ ދުވަހުއެވެ. އެކަމަށްޓަކައި ހުރާ ގައި އޮތް ޚާއްސަ ރަސްމިއްޔާތުގައި ހުރާ ކައުންސިލްގެ ފަރާތުން އެއްބަސްވުމުގައި ސޮއިކުރައްވާފައިވަނީ އެރަށު ކައުންސިލްގެ ރައީސް އީސާ އަހުމަދުއެވެ. އަދި ފެނަކަ ކޯޕަރޭޝަންގެ ފަރާތުން އެއްބަސްވުމުގައި ސޮއިކުރައްވާފައިވަނީ އެކުންފުނީގެ މެނޭޖިންގ ޑިރެކްޓަރު އަހުމަދު ސައީދު މުހައްމަދުއެވެ.
ފެނަކަ އިން ބުނީ ހުރާއަށް މިޚިދުމަތް ފޯރުކޮށްދޭން ލިބުމަކީ އެކުންފުންޏަށް ލިބުނު ވަރަށް ބޮޑު ކުރިއެރުމެއް ކަމަށެވެ. އެގޮތުން ހުރާ އަކީ ކ. އަތޮޅުގައި ފެނަކައިން ޚިދުމަތްދޭ ފުރަތަމަ ރަށެވެ.
މި ކާމިޔާބީއާއެކު ފެނަކައިގެ އަމާޒު ހުރީ ކައިރި ރަށްރަށުގެ އިތުރުން މާލެ ކައިރި ރިސޯޓުތަކަށްވެސް ކުންފުނީގެ ޚިދުމަތްތައް ފޯރުކޮށްދިނުން ކަމަށް އެކުންފުނިން ބުނެއެވެ.
ފެނަކަ އިން ބުނީ އެކުންފުނިން ދާނީ ކުރިއަށް އޮތްތާގައިވެސް ކުންފުނީގެ މެޝިނަރީޒް އާއި ޚިދުމަތްތައް އަޕްގްރޭޑް ކުރަމުން ކަމަށެވެ. އަދި ކަސްޓަމަރުންނަށް އެންމެ ފުރިހަމަ ޚިދުމަތް ފޯރުކޮށްދިނުމުގެ މަސައްކަތް ކުރާނެ ކަމަށް ފެނަކައިން ބުނެއެވެ.
