މިނިސްޓަރ ވިދާޅުވީ ރަށްރަށުގެ ހެލްތު ސެންޓަރުގެ ހާލަތު ހުރީ ވަރަށް ދަށްކޮށް ކަމަށް
ނ ވެލިދޫ ސިއްހީ މަރުކަޒު
ސަރުކާރުގެ ބަޖެޓުން ޚަރަދުކޮށްގެން މިއަހަރުގެ ދެވަނަ ކުއާޓަރު ގައި 15 ރަށެއްގެ ސިއްހީ މަރުކަޒް އިމާރާތްކުރުމަށް ފެށޭނެކަމަށް ހެލްތު މިނިސްޓަރ އަހުމަދު ނަސީމް ވިދާޅުވެއްޖެއެވެ.
ބުދަ ދުވަހު ކުރިޔަށްދިޔަ ރައްޔިތުންގެ މަޖިލީހުގެ ޖަލްސާގައި ވާހަކަފުލު ދައްކަވަމުން މިނިސްޓަރ ވަނީ މިއަހަރު މަސައްކަތް ފެށުމަށް ހަމަޖެހިފައިވާ ސިއްހީ މަރުކަޒުތަކުގެ ލިސްޓް ވިދާޅުވެދެއްވާފަ އެވެ. އެގޮތުން ހއ އަތޮޅުގެ އެއް ރަށާއި ހދ އަތޮޅުގެ އެއް ރަށާއި ށ އަތޮޅުގެ ދެ ރަށް، ނ އަތޮޅުގެ ތިން ރަށާއި ރ އަތޮޅުގެ އެއް ރަށާއި ކ އަތޮޅުގެ ދެ ރަށާއި، އއ އަތޮޅުގެ ދެ ރަށާއި އދ އަތޮޅުގެ އެއް ރަށާއި މ އަތޮޅުގެ އެއް ރަށާއި ފ އަތޮޅުގެ އެއް ރަށުގައި ސިއްހީ މަރުކަޒު އެޅުމުގެ މަސައްކަތް ފައްޓަވާނެކަމަށް މިނިސްޓަރ ވިދާޅުވިއެވެ.
މިއަހަރު މަސައްކަތް ފެށޭ ސިއްހީ މަރުކަޒުތަކަކީ:
މިނިސްޓަރ ވިދާޅުވީ ރަށްރަށުގެ ހެލްތު ސެންޓަރުގެ ހާލަތު ހުރީ ވަރަށް ދަށްކޮން ކަމަށާއި އެހެންކަމުން ތަންތަން މަރާތުކުރުމުގެ ބަދަލުގައި އައު ތަންތަން އަޅަނީކަމަށެވެ. 2022 ވަނަ އަހަރަށް ފާސްކޮށްފައިވާ ޕީއެސްއައިޕީ ބަޖެޓްގައި ހެލްތު މިނިސްޓްރީއަށް ކަނޑައަޅާފައިވަނީ 421.9 މިލިއަން ރުފިޔާއެވެ. މީގެތެރެއިން 156.5 މިލިއަން ރުފިޔާ އަކީ ލޯނެވެ. ޑޮމެސްޓިކް ބައިގެ ގޮތުގައި ހިމެނިފައިވަނީ 265.6 މިލިއަން ރުފިޔާއެވެ.
