ޒުވާނަކު ގެއްލިގެން ހޯދާތާ 4 ދުވަސް، ފުލުހުން އާންމުންގެ އެހީތެރިކަމަށް އެދެފި
ވީނުވީއެއް ނޭނގި ގެއްލިގެން އެމީހާގެ އާއިލާގެ ފަރާތުން ފުލުހުންނަށް ރިޕޯޓްކޮށްފައިވަނީ ފެބްރުއަރީ މަހުގެ 19 ވަނަ ދުވަހު
ޅ. ނައިފަރު/ ޑޭޒީހިޔާ، އަޙްމަދު ވިއާމް (23އ)
މާލެއިން މީހަކު ގެއްލިގެން ރިޕޯޓްކުރިތާ ހަތަރު ދުވަސްވީއިރުވެސް އޭނާ ފެނިފައިނުވާތީ އާންމުންގެ އެހީތެރިކަމަށް ފުލުހުން އެދެފިއެވެ.
ފުލުހުން ބުނީ ގެއްލިގެން ހޯދަމުންދާ މީހަކީި ޅ. ނައިފަރު/ ޑޭޒީހިޔާ، އުމުރުން 23 އަހަރުގެ އަޙްމަދު ވިއާމް އެވެ. މިމީހާ ގެއްލިގެން ފުލުހުންނަށް ރިޕޯޓް ކުރުމާއި ގުޅިގެން އޭނާ ހޯދުމުގެ މަސައްކަތް ކުރަމުންދާކަމަށް ފުލުހުން ބުނެއެވެ.
ވީނުވީއެއް ނޭނގި ގެއްލިގެން ވިއާމްގެ އާއިލާގެ ފަރާތުން ފުލުހުންނަށް ރިޕޯޓްކޮށްފައިވަނީ ފެބްރުއަރީ މަހުގެ 19 ވަނަ ދުވަހުގެ ވަގުތެއްގައެވެ. ފުލުހުންނަށް މިކަން ރިޕޯޓްކުރުމާއި ގުޅިގެން އޭނާ ހޯދުމުގެ މަސައްކަތް ކުރަމުންދާއިރު، މިހާތަނަށް ކުރެވުނު މަސައްކަތުން އޭނާ ހޯދިފައެއް ނުވެއެވެ.
އެހެންކަމުން އަޙްމަދު ވިއާމް އާއި ބެހޭ އެއްވެސް މަޢުލޫމާތެއް ލިބިފައިވާނަމަ ލަސްނުކޮށް އެމަޢުލޫމާތެއް ފުލުހުންގެ ހޮޓްލައިން ނަމްބަރު 3322111 އަށް ނުވަތަ ނައިފަރު ޕޮލިސްގެ ނަންބަރު 9792187 އަށް ގުޅުމަށް ވަނީ އެދިފައެވެ.
