ރާއްޖެ
މަރުވެފައި އޮތް މީހަކު ފެނުން
މަރަދޫ-ފޭދޫ ފަޅު ގެއަކުން މަރުވެފައި އޮއްވާ ފެނުނީ 40 އަހަރުގެ ފިރިހެނެއް
މަރުވެފައި އޮއްވާ ފެނުނީ ޏ. ފުވައްމުލަކު ހިތަށް ފިނިވާގޭ 40 އަހަރުގެ އަލީ އިބްރާހީމް
އަމްނާ އިމާދު, ރާއްޖެ އެމްވީ | 19 ފެބުރުއަރީ 2022 | ހޮނިހިރު 11:19
އައްޑޫ އެކުއެޓޯރިއަލް ހޮސްޕިޓަލް
އައްޑޫ ސިޓީ މަރަދޫ-ފޭދޫ ފަޅު ގެއަކުން މަރުވެފައި އޮތް މީހަކު ފެނިއްޖެއެވެ.
މަރުވެފައި އޮއްވާ ފެނުނީ ޏ. ފުވައްމުލައް ހިތަށް ފިނިވާގެ, 40 އަހަރުގެ އަލީ އިބްރާހީމެވެ.
ފުލުުހުން ބުނީ އައްޑޫސިޓީ މަރަދޫ-ފޭދޫ ފަޅު ގެއަކުން މަރުވެފައި އޮތް މީހަކު ފެނިފައިވާ ކަމަށާއި، އެމީހާ ފެނިފައިވަނީ ހޮނިހިރު ދުވަހުގެ ހެނދުނު 10:14ހާއިރު ކަމަށެވެ.
އައްޑޫ އެކުއިޓޯރިއަލް ހޮސްޕިޓަލްގެ ޑޮކްޓަރުންނާ ހަވާލާދީ ފުލުހުން ބުނީ އެމީހާގެ ހަށިގަނޑުގެ ބޭރުފުށުން އެއްވެސް އަނިޔާއެއް ފެންނަން ކަމަށެވެ.
މި މައްސަލައާ ގުޅިގެން އިތުރަށް ބަލަން ޖެހޭ ކަންކަން ބަލަމުންދާ ކަމަށް ފުލުހުން ބުނެފައިވެއެވެ.
