33 ވަނަ ޅެންވެރިންގެ ދުވަސް ފާހަގަކޮށްފި
ޅެންވެރިންގެ ދުވަހަކީ ކޮންމެ އަހަރެއްގެ ވެސް ޖަނަވަރީ މަހުގެ 15 ވަނަ ދުވަސް
ޅެން ފޮތެއް ނެރެ ދެއްވުން
ދިވެހި ބަހުގެ އެކެޑަމީން 33 ވަނަ ޅެންވެރިންގެ ދުވަސް ފާހަގަކޮށްފިއެވެ.
ޅެންވެރިންގެ ދުވަހަކީ ކޮންމެ އަހަރެއްގެ ވެސް ޖަނަވަރީ މަހުގެ 15 ވަނަ ދުވަހެވެ. މިއަހަރުގެ ޅެންވެރިންގެ ދުވަސް ފާހަގަކުރުމުގެ ގޮތުން ބުރާސްފަތި ދުވަހުގެރޭ ހުޅުމާލެ ޣާޒީ ސްކޫލްގައި ވަނީ ޖަލްސާ އެއް ބާއްވާފައެވެ. މި ޖަލްސާގައި މިނިސްޓަރ އޮފް އާޓްސް ކަލްޗަރ އެންޑް ހެރިޓޭޖް ޔުމްނާ މައުމޫންގެ އިތުރުން ދިވެހި ބަހާއި އަދަބަށް ޚިދުމަތްކުރުމުގެ ދާއިރާގެ ފަންނުވެރިން ވަނީ ބައިވެރިވެވަޑައިގެންފައެވެ.
މި ޖަލްސާ ގައި ތިން ޅެންފޮތެއް ނެރެފައިވެއެވެ. އެއީ ޖަރުފަރު ކަމާލުއްދީންގެ ޅެންފޮތާއި، ހަޔާލާތޭ ނަސީމްގެ ނަމުގައި ނެރުނު ޅެންފޮތަކާއި، ހީރާގެ ނަމުގައި ނެރެފައިވާ ޅެން ފޮތެކެވެ. ޖަރުފަރު ކަމާލުއްދީންގެ ޅެންފޮތް ނެރެދެއްވީ ދަރިކަލުން އަބްދުﷲ ކަމާލުއްދީން އެވެ.
ރޭގެ ޖަލްސާ ގައި ޅެން ހުށަހަޅާ ދިނުންވެސް އޮތެވެ.
މީގެއިތުރުން ޅެން ހުށަހަޅާނެ ގޮތާމެދު މުހައްމަދު ނަސީމް ވަނީ ވާހަކަދައްކަވާފައެވެ. އަދި ޅެންވެރިކަމުގެ މުހިންމުކަމުގެ މައްޗަށް މުހައްމަދު އާދަމް ސަލީމް ވަނީ ވާހަކަދައްކަވާފައެވެ. އަދި ޅެންވެރިކަމުގެ އަސާސީ ބަހާތަކުގެ މައްޗަށް އަބްދުލް މުއީދު ހަސަން ވާހަކަދައްކަވާފައިވާއިރު، ޒަމާނީ ޅެންވެރިކަމުގެ މައްޗަށް ނަސްމާ އަބްދުލް މުހުސިން ވާހަކަދައްކަވާފައިވެއެވެ.
ޖަލ؛ްސާ ނިންމާލުމުގެ ގޮތުން ވާހަކަދެއްކެވީ ދިވެހި ބަހުގެ އެކަޑެމީގެ ރައީސް ޑރ. އަޝްރަފް އަބްދުއްރަހީމް އެވެ.
