ރައީސް އަބްދުﷲ ޔާމީންގެ ސަރުކާރުން ނިގުޅާއިގެންފައިވާ ކައުންސިލްގެ ބާރުވެރިކަން އަނބުރާ ކައުންސިލްތަކަށް ދޭނެ ކަމަށް އުންމީދު ކުރައްވާ ކަމަށް މާލޭ ސިޓީ ކައުންސިލްގެ މޭޔަރު ސިފާ މުހައްމަދު ވިދާޅުވެއްޖެ އެވެ.
މާލޭ ސިޓީ ކައުންސިލްގެ މޭޔަރުކަމަށް އިންތިހާބު ވެވަޑައިގަތުމަށް ފަހު، ފުރަތަމަ ފަހަރަށް މީޑިއަކަށް ދެއްވި އިންޓަވިއުގައި ރާއްޖެޓީވީގެ ސުންގަޑި ސުންމިނެޓްގައި ޕްރޮހްރާމްގައި ވާހަކަ ދައްކަވަމުން ޝިފާ ވިދާޅުވީ ނިމިގެން ދިޔަ ލޯކަލް ކައުންސިލް އިންތިހާބްގައި ރައްޔިތުން ވޯޓް ދިނީ ކައުންސިލްތަކަށް ބާރުވެރިކުރުމަށް ކަމަށް ރައީސް އަބްދުﷲ ޔާމީންނަން މިއަދު ވިސްނި ވަޑައިގަންނަވާނެ ކަމަށެވެ. އަދި އެއާއި އެކު ރައްޔިތުން އެދޭ ގޮތަށް ކައުންސިލްތަކަށް ގެއްލިފައިވާ ބާރުވެރިކަން ރައްޔިތުންގެ މަޖިލީހުގެ ތެރެއިން އެމަނިކުފާން ހޯދަދެއްވާނެ ކަމަށް ވެސް އުންމީދު ކުރައްވާކަމަށް ރާއްޖޭގެ ފުރަތަމަ އަންހެން މޭއަރު ޝފާ ވިދާޅުވިއެވެ.
" އަޅުގަނޑުމެން އުންމީދު މި ކުރާނީ ސަރުކާރުގެ ފަރާތުން ވަރަށް ބޮޑަށް އަޅުގަނޑުމެންނަން، ކުރިއާއި ހިލާފައް ރައްޔިތުން ވޯޓް ދިންގޮތް ވިސްނާ ވަޑައިގެން، އަޅުގަނޑުމެންނަން ކުރިއަށް ވުރެ ރަނގަޅަށް ޙިދުމަތެއް ރައްޔިތުންނަން ދިނުމަށް މަގުފަހިކޮށްދެއްވާނެ ކަމަށް،އެއީ އެންމެ މުހިންމު ކަމެއް ކަމަށް އަޅުގަނޑުމެން މި ބަލަނީ" ޝިފާ ވިދާޅުވިއެވެ.
ޝިފާ ވިދާޅުވި ގޮތުގައި ލޯކަލް ކައުންސިލް އިންތިހާބްގެ މެޖޯރިޓީ އިދިކޮޅު އެންމެ ބޮޑު ޕާޓީ އެމްޑީޕީއަށް ލިބިފައިވާތީ، އެކި މުއައްސަސާތަކުގައި މަސައްކަތްކުރައްވާ ވެރިން ރައީސް އަބްދުﷲ ޔާމީންގެ ސަރުކާރަށް ނިސްބަތްވާ ރައްޔިތުންގެ މަޖިލީހުގެ މެމްބަރުންގެ އަރިހުގައި ރައްޔިތުން އެދޭ ބާރުވެރިކަން ކައުންސިލްތަކަށް ދިނުމަށް އެދެމެން ދާ ކަމަށެވެ. ކައުންސިލްތަށް ބާރުވެރިކުރުމަށް ސަރުކާރާއި އަލަށް އިންތިހާބްވި ކައުންސިލަރުންނާއި އެކީ މަޝްވަރާކޮށްގެން ކުރިއަށް ގެންދެވިދާނެ ކަމަށް ޝިފާ ވިދާޅުވިއެވެ.
"އަޅުގަނޑުމެން އުންމީދު މި ކުރަނީ ރައީސް އަބްދުﷲ ޔާމީނަން މިކަންކަން ވިސްނި ވަޑައިގަންނަވާ އަލަށް މިކަންކަން މުރާޖާކުރައްވާ މަޖިލީހުގެ ތެރެއިން ރަނގަޅު ބަދަލެއް ގެނެސް ދެއްވާނެ ކަމަށް" ޝިފާ ވިދާޅުވިއެވެ.
މާލޭގެ އެކި ދާއިރާތަކުން އިންތިހާބުވެޑައިގެންނެވި ކައުންސިލަރުންނާއި އެކު މާލޭގެ ރައްޔިތުންނަން ދިމާވެފައިވާ ދަތިކަންކަން ހައްލުކުރުމަށް ކުރެވޭނެ މަސައްކަތްތަކާއި ގުޅޭ ގޮތުން އެކަންކަން ހައްލުކުރުމަށް މަސައްކަތް ކުރައްވާނެ ކަމުގެ ޔާގީންކަން ސިފާ ވަނީ މާލޭގެ ރައްޔިތުންނަން ދެއްވާފައެވެ. މިހާރުން މިހާރަށް މާލޭގެ ރައްޔިތުންނަން ދިމާވެފައިވާ މައްސަލަތަށް ސަރުކާރުގެ ސަމާލުކަމަށް ގެންނާނެކަމަށް ވެސް ޝިފާ ވިދާޅުވިއެވެ.
