އެމްޑީޕިގެ ޗެއާޕާރސަންގެ މަގާމަށް އިންތި ފޯމް ހުށަހަޅުއްވައިފި
16 ފެބުރުއަރީ 2022 | ބުދަ 09:41ޗެއާޕާރސަންގެ އިންތިހާބުގައި މިހާތަނަށް ވާދަކުރައްވާނެ ކަމަށް ހާމަކޮށްފައިވަނީ އިންތިގެ އިތުރުން އިކޮނޮމިކް މިނިސްޓަރު ފައްޔާޒު އިސްމާއިލް
އިމްތިޔާޒް ފަހުމީ - މާފަންނު އުތުރު ދާއިރާގެ މެމްބަރު
މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) ގެ ޗެއާޕާރސަންގެ މަޤާމަށް ވާދަ ކުރެއްވުމަށް ރައްޔިތުންގެ މަޖިލީހުގެ މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީ ފޯމު ހުށަހަޅުއްވައިފިއެވެ.
ފޯމް ހުށަހެޅުއްވުމަށްފަހު އިންތި ވިދާޅުވީ ޗެއާޕާރސަންގެ މަގާމަށް ވާދަކުރެއްވުމަށްޓަކައި ތާއީދު ފޯމާއި ކެންޑިޑެންސީ ފޯމް ފުރިހަމަ ކުރެއްވުމަށްފަހު އެމްޑީޕީގެ އިންތިހާބާއި ބެހޭ ކޮމިޓީއަށް އަންގާރަ ދުވަހުގެ ރޭ ހުށައަޅުއްވާފައިވާ ކަމަށެވެ.
އެމްޑީޕީގެ އިންތިހާބުތަކަށް ކުރިމަތިލުމުގެ ސުންގަޑިއަކީ ފެބްރުއަރީ 19، ގެ 16:00 ގަ އެވެ. ކުރިމަތިލި ކެންޑިޑޭޓުންގެ ނަންތައް ފެބްރުއަރީ 22 ގައި އެ ޕާޓީން އިއުލާން ކުރާނެ އެވެ. އެމްޑީޕީގެ ޗެއާޕާރސަން ކަމާއި އެ ޕާޓީގެ އަންހެނުންގެ ރޫހާއި ޒުވާނުންގެ ހިތްވަރުގެ އިންތިހާބަށް ކުރިމަތިލުމަށް ހުޅުވާލައިފައި ވަނީ މިހިނގާ ފެބްރުއަރީ 12 ގައެވެ.
އިންތި ވަނީ 2012 ވަނަ އަހަރުން ފެށިގެން އަދާކުރައްވަމުން ގެންދެވި އެމްޑީޕީގެ ސްޕޯކްސްޕާރސަންގެ މަގާމުންވެސް ބުދަ ދުވަހު އިސްތިއުފާ ދެއްވާފައެވެ. ޗެއާޕާރސަންގެ އިންތިހާބުގައި މިހާތަނަށް ވާދަކުރައްވާނެ ކަމަށް ހާމަކޮށްފައިވަނީ އިންތިގެ އިތުރުން އިކޮނޮމިކް މިނިސްޓަރު ފައްޔާޒު އިސްމާއިލެވެ.
އެމްޑީޕީގެ އިންތިހާބު ބޭއްވުމަށް ހަމަޖެހިފައި ވަނީ އެޕްރީލް 16 ވަނަ ދުވަހުއެވެ.
