ޓްރީ ޓޮޕް ހޮސްޕިޓަލުން އިންހެލޭޝަން ލޭބަރ އެނަލްޖީޒިއާ ކާމިޔާބުކަމާއެކު ފޯރުކޮށްދީފި
ނައިޓޮރޮސް އޮކްސައިޑް އާއި އެކީގައި ފުންކޮށް ނޭވާ އެތެރެއަށް ދަމާވަގުތު ވިއްސުމުގެ ތެރޭގައި ދިމާވާ ތަދު ލުއިކޮށްދޭނެ
މާބަނޑު އަންހެނެއް
ޓްރީ ޓޮޕް ހޮސްޕިޓަލުން މައިމީހާ ވިއްސުމުގެ ތެރޭގައި އިންހެލޭޝަން ލޭބަރ އެނަލްޖީޒިއާ ނުވަތަ ނޭވާގެ ޒަރިއްޔާއިން ދެވޭ ތަދުކަޑުވާ ބޭހުގެ ބޭނުން ކާމިޔާބުކަމާއެކު ކޮށްފިއެވެ.
ރާއްޖޭގައި ތަދާއި ނުލާ ވިއްސުމަށް ފަސޭހަކުރެވޭ ގޮތްތައް ދުނިޔޭގެ އެހެން ތަންތަނާ އަޅާކިޔާ އިރު މަދެވެ. ޓްރީ ޓޮޕް ހޮސްޕިޓަލަކީ ރާއްޖޭގައި އިންހެލޭޝަން ލޭބަރ އެނަލްޖީޒިއާ އެންމެ ފަހުގެ ވަސީލަތްތަކުގެ އެހީގައި ފޯރުކޮށްދޭ ފުރަތަމަ ސިއްހީ މަރުކަޒެވެ. މިއީ ވިއްސުމުގެ ތަދަށް ދެވޭ ރައްކާތެރި އަދި އިންވޭސިވް އިންޖެކްޝަނެއް ޖެހުމުގެ ބަދަލުގައި ކުރެވޭ ކަމެކެވެ. އިންހެލޭޝަން އެނަލްޖީޒިއާ އަކީ ތަދުކެޑުވުމުށް ނައިޓޮރޮސް އޮކްސައިޑް ކިޔާ ގޭހެއް މާސްކެއް ބޭނުންކޮށްގެން ހަށިގަނޑަށް ފޯރުކޮށްދޭ ޕޮރޮސީޖާއެކެވެ. ނައިޓޮރޮސް އޮކްސައިޑް އާއި އެކީގައި ފުންކޮށް ނޭވާ އެތެރެއަށް ދަމާވަގުތު ވިއްސުމުގެ ތެރޭގައި ދިމާވާ ތަދު ލުއިކޮށްދޭނެއެވެ.
ނައިޓޮރޮސް އޮކްސައިޑް އަކީ ރައްކާތެރި، ރަހަ ނުލާ، އަދި ވަސްނުދުވާ ގޭހެކެވެ. އަދި މި ގޭހަކީ އެޕިޑިއުރަލް ނުވަތަ އިންޖެކްޝަނަށް ވުރެން އަވަހަށް ކުޑަ ވަގުތުކޮޅެއްގެ ތެރޭގައި ތަދު ފަސޭހަކޮށްދިނުމަށް އެހީވެދޭ ބޭހެކެވެ. މި ޚިދުމަތުން ލިބޭ މައިގަނޑު ފައިދާއަކީ ވިއްސާ އިރު ޕޭޝަންޓަށް ހަރަކާތްތެރިވެ އުޅުމަށާއި ތަދު ކޮންޓުރޯލް ކުރުމުގެ ފަސޭހަކަން ލިބިގެންދިޔުމެވެ. ހަމަ އެއާއި އެކު ވިއްސުމުގެ ތެރޭގައި ހާސްވެ ކަންބޮޑުވުން ފަދަ އުދަނގޫތަކުން ރައްކާތެރިކޮށްދޭނެއެވެ.
ވިހެއުމުގެ ތެރޭގައި ކުރިމަތިލާންޖެހޭ ތަދު ފަސޭހަކޮށްދިނުމަށް އެންމެ އާންމު ކޮށް ކުރާ ޕްރޮސީޖާއަކީ އެޕިޑިއުރަލްއެވެ. ނަމަވެސް ފަހުގެ ގިނަ ދިރާސާތަކުން ފެންނަގޮތުން އަންހެނުންނަށް އެޕިޑިއުރަލް ނޫން ހައްލުތައް ބޭނުންވާކަމަށް އަންހެނުން ބުނެއެވެ.
މިޕޮރޮސީޖާއާ ގުޅޭގޮތުން ޑރ ދުސޫމާ އަބްދުލް ރައްޒާގް ކޮންސަލްޓެންޓް އެނަސްތީސިއޮލޮޖީ ވިދާޅުވީ މިކަމުގެ ސަބަބުން ބަލިމީހާއަށް ވިއްސުމުގައި ކުރިމަތިވާ ތަދުތަކުން ބަލި މީހާއަށް ލުއި ލިބޭނެކަމަށެވެ. ޑޮކްޓަރ ދުސޫމާ އަބްދުލް ރައްޒާގް އަކީ އެނަސްތީސިއޮލޮޖީ ނުވަތަ އައްސިކޮށް ތަދުކެޑުވުމާ ބެހޭ ސްޕެޝަލިސްޓްއެކެވެ.
ޓްރީ ޓޮޕް ހޮސްޕިޓަލަކީ ރާއްޖޭގެ ގިނަ ބައެއްގެ އިތުބާރު ހޯދައިފައިވާ، ޒަމާނީ ފެންވަރަށް ސިއްހީ ހިދުމަތް ފޯރުކޮށްދެމުން އަންނަ އެއް ހޮސްޕިޓަލެވެ.
