ކުޅުދުއްފުށީ ރީޖަނަލް ހޮސްޕިޓަލްގެ އަންހެނުން ވޯޑްގައި ފްރެޝް އެއާ ސިސްޓަމް ގާއިމްކުރަން ބަޔަކާ ހަވާލުކޮށްފި
20 ޖެނުއަރީ 2022 | ބުރާސްފަތި 15:07މި މަސައްކަތް ހަވާލު ކުރެވުނީ 105 ދުވަހުގެ ތެރޭގައި ނިންމާގޮތަށް، 767,799.22 ރުފިޔާއަށް
މަސައްކަތް ހަވާލުކުރުމުގެ ރަސްމިއްޔާތުގެ ތެރެއިން
ކުޅުދުއްފުށީ ރީޖަނަލް ހޮސްޕިޓަލްގެ އަންހެނުން ވޯޑް އިމާރާތުގައި ވީއާރުވީ އޭސީ އަދި ފްރެޝް އެއާ ސިސްޓަމް ގާއިމްކުރަން ޕްރޯ އޭ.ސީ އެންޑް އިންޖިނިއަރިންގ ޕްރައިވެޓް ލިމިޓެޑާ ހަވާލުކޮށްފިއެވެ.
ކުޅުދުއްފުށީ ރީޖަނަލް ހޮސްޕިޓަލުން މައުލޫމާތު ދެއްވި ގޮތުގައި، މި މަސައްކަތް ނިމި، ޚިދުމަތް ދެވެން ފެށުމުން ހޮސްޕިޓަލުގެ ބަލި މީހުން ތިބޭ ހުރިހާ ވޯޑެއްގައި ހުންނާނީ ފްރެޝް އެއާ ސިސްޓަމް ހަރުކުރެވިފައެވެ.
މި މަސައްކަތް ހަވާލު ކުރެވުނީ 105 ދުވަހުގެ ތެރޭގައި ނިންމާގޮތަށް، 767,799.22 ރުފިޔާއަށެވެ.
ކުޅުދުއްފުށީ ރިޖަނަލް ހޮސްޕިޓަލަކީ ސަރުކާރުން ޓާޝަރީފެންވަރަށް ތަރައްގީކުރުމަށް ނިންމާފައިވާ ހޮސްޕިޓަލެކެވެ. އަދި އުތުރުގެ އަތޮޅުތަކުގެ ގިނަބަޔަކު ޚިދުމަތް ހޯދަމުންދާ ހޮސްޕިލެއްވެސްމެއެވެ.
