ކުޅުދުއްފުށި ސިޓީއިން އިތުރު 54 މީހަކު ކޮވިޑްއަށް ޕޮޒިޓިވްވެއްޖެއެވެ.
އެ ސިޓީއިން އަންގާރަ ދުވަހު 54 މީހުން ޕޮޒިޓިވްވެފައިވާއިރު، 10 މީހުން ވަނީ ބަލިން ރަނގަޅުވެފައެވެ. އެ ސިޓީއިން އަންގާރަ ދުވަހު ޕޮޒިޓިވްވެފައިވަނީ ބަލީގެ އަލާމާތްތައް ހުރެގެން ފްލޫ ކްލިނިކަށް ދެއްކި 8 މީހަކާއި، ކޮންޓެކްޓް ޓްރޭސިންގ ގޮތުގައި ފާހަގަކުރެވުނު 33 މީހެއްގެ އިތުރުން ރޭންޑަމް ސާމްޕަލްގެ 13 ސާމްޕަލެކެވެ. ކުޅުދުއްފުށީ ސިޓީގައި މިވަގުތު ތިބި އެކްޓިވް ކޭސްތަކުގެ އަދަދު ވަނީ 192 އަރާފައެވެ.
ހދ އަތޮޅުގެ 10 ރަށަކުން ކޮވިޑް ކޭސްތައް ފެންނަމުންދާއިރު، އޭގެތެރެއިން 3 ރަށެއްވަނީ މޮނީޓަރިންގެ ހާލަތަށް ގެނެސްފައެވެ.
