ކުޅުދުއްފުށީ ސިޓިގައި ކޮވިޑްގެ އެކްޓިވް ކޭސްގެ އަދަދު 148ށް އަރައިފި އެވެ. ހޯމަ ދުވަހު އަލަށް ބައްޔަށް ޕޮޒިޓިވްވީ 21 މީހުންނެވެ. އަދި 8 މީހަކު ވަނީ ބަލިން ރަނގަޅުވެފަ އެވެ.
ކުޅުދުއްފުއްޓާއި ހދ އަތޮޅުގެ ގިނަ ރަށްތަކެއްގައި ކޮވިޑް-19 ހަލުވިކަމާއެކު ފެތުރެމުންދާއިރު ހަތަރު ރަށެއް އޮތީ މޮނިޓަރިންގ އަށް ލާފަ އެވެ. އެގޮތުން ހަނިމާދޫ، ނޮޅިވަރަންފަރު، އިތުރުން ނެއްލައިދޫވެސް އޮތީ މޮނިޓަރިންގ އެވެ.
އަދި އެ ސަރަހައްދުގެ އެހެން ބައެއް ރަށްތަކަށް ބަލާއިރު ހއ އިހަވަންދޫ އާއި ށ ފުނަދޫވެސް އޮތީ އެޗްޕީއޭގެ ބަންދުގައި އެވެ.
ކުޅުދުއްފުށީ ރީޖަނަލް ހޮސްޕިޓަލުން މައުލޫމާތު ދެއްވިގޮތުގައި ކޮވިޑް ކޭސްތައް ކުޅުދުއްފުށީގައި އިތުރުވަމުންދާއިރު ބަލީގެ ބޮޑުވަރުވެގެން ނުދެއެވެ. އެކަމަކު މިފަހުން ގިނަ އަދަދަކަށް ރޭންޑަމް ސާމްޕަލްތައްވެސް ޕޮޒިޓިވްވަމުންދާތީ، ރައްކާތެރިކަމުގެ ފިޔަވަޅުތައް އެޅުމަށް ކަމާ ގުޅުން ހުރި މުވައްސަސާތަކުންދަނީ އިލްތިމާސްކުރަމުންނެވެ.
