ގާފަރު ފެން ޕްލާންޓުން އާންމުންނަށް ފެން ދޫކުރަން ފަށައިފި
ގާފަރުގައި ބަހައްޓާފައިވަނީ 15 ޓަނުގެ ދެ އާރްއޯ ޕްލާންޓް
ގާފަރު ފެން ޕްލާންޓް
ސްޓެލްކޯއިން ކ. ގާފަރުގައި ބަހައްޓާފައިވާ ފެން ޕްލާންޓުން އާންމު ބޭނުމަށް ރަށު ރައްޔިތުންނަށް ފެން ދޫކުރަން ފަށައިފިއެވެ.
ސްޓެލްކޯއިން ބުނީ އެ ކުންފުނިން ގާފަރުގައި ބަހައްޓާފައިވަނީ 15 ޓަނުގެ ދެ އާރްއޯ ޕްލާންޓް ކަމަށެވެ. އަދި މި ފެން ޕްލާންޓުން އާންމުންނަށް ފެން ދޫކުރަމުންދަނީ ވަކި އުސޫލެއް ކަނޑައަޅައިގެން ކަމަށެވެ.
އެގޮތުން ގާފަރުގައި މިވަގުތު ގާއިމްކޮށްފައިވާ ފެނުގެ ސިސްޓަަމަކީ ގެތަކަށް ނެޓްވޯކް ނުވަތަ ހޮޅި ގުޅާފައިވާ ސިސްޓަމަކަށް ނުވުމުުން އާންމު ބޭނުންތަކަށް ފެންދޫކުރުމަށް ހަމަޖެހިފައިވަނީ ފެން ޕްލާންޓުގެ ބޭރުގައި ހަރުކޮށްފައިވާ ފެން އިސްކުރުން ކަމަށް ސްޓެލްކޯއިން ބުނެފައިވެއެވެ.
މި އުސޫލުގެ ދަށުން ކޮންމެ ރައްޔިތަކަށްވެސް ދޫކުރެވޭނީ ދުވާލަކު ގިނަވެގެން 20 ލީޓަރުގެ ފެން ކަމަށް ސްޓެލްކޯއިން ބުނެފައިވެއެވެ. ކޮންމެ ދުވަހެއްގެވެސް ހަވީރު 4:00 އިން 6:00 އަށް ފެން ދޫކުރުމަށް ވަނީ ހަމަޖެހިފައެވެ.
