ކުޅުދުއްފުށީ ސިޓީގައި ޕޮޒިޓިވް ކޭހުގެ އަދަދުތައް މަތިވަނީ
8 ޖެނުއަރީ 2022 | ހޮނިހިރު 14:30އެ ސިޓީގެ މިވަގުތު އެކްޓިވް ކޭހުގެ އަދަދަކީ 48
ކުޅުދުއްފުށި ސިޓީ
ކުޅުދުއްފުށި ސިޓީގައި ކޮވިޑް ކޭސްތައް އިތުރުވަމުންދާތީ ރައްކާތެރިކަމުގެ ފިޔަވަޅުތަކަށް ސަމާލުކަން ދިނުމަށް ރީޖަނަލް ހޮސްޕިޓަލުން އިލްތިމާސްކޮށްފިއެވެ.
ކުޅުދުއްފުށި ސިޓީން ހޮނިހިރު ދުވަހު އިތުރު 14 މީހަކު ވަނީ ކޯވިޑްއަށް ޕޮޒިޓިވްވެއްޖެއެވެ.
ހޮނިހިރު ދުވަހު ޕޮޒިޓިވްވެފައިވަނީ ކޮންޓެކްޓް ޓްރޭސިންގެތެރެއިން ފާހަގަކުރެވުނު 12 ސާމްޕަލަކާއި، ބަލީގެ އަލާމާތްތައް ހުރެގެން ފްލޫ ކްލިނިކަށް ހުކުުދުވަހު ދެއްކި 18 އަހަރުގެ މީހަކާއި 58 އަހަރުގެ މީހެއް ކަމަށް ކުޅުދުއްފުށީ ރީޖަނަލް ހޮސްޕިޓަލުން މައުލޫމާތު ދެއެވެ.
ހުކުރުދުވަހުވެސް 17 މީހަކު ކުޅުދުއްފުށީ ސިޓީން ވަނީ ކޯވިޑްއަށް ޕޮޒިޓިވްވެފައެވެ. އެގޮތުން މިވަގުތު އެ ސިޓީގައި މިހާރު ހުރި އެކްޓިވް ކޭހުގެ އަދަދަކީ 48އެވެ.
ކުޅުދުއްފުށިން ކޯވިޑް ކޭހެއް ނުފެނި ދުވަސްކޮޅެއް ދިއުމަށްފަހު އެންމެ ފުރަތަމަ ކޯވިޑް ކޭހެއް ފެނިފައިވަނީ މިދިއަ ޑިސެމްބަރ މަހުގެ 20 ވަނަ ދުވަހުއެވެ.
ކުޅުދުއްފުށީ ސިޓީގެ އިތުރުން ހދ. އަތޮޅުގެ 6 ރަށަކުން ކޮވިޑްގެ އެކްޓިކް ކޭސްތައްދަނީ ފެންނަމުންނެވެ. އެގޮތުން އެހެން ރަށްރަށުގެ އެކްޓިވް ކޭސްތަކަށް ބަލާއިރު ކުރިނބީގައި 2، ނޮޅިވަރަމްފަރުގައި 11، ނައިވާދޫގައި 23، ވައިކަރަދޫގައި 6، ނޮޅިވަރަމްގައި 1، އަދި ނެއްލައިދޫގައި 2 ކޭސް ހިމެނޭ ކަމަށް ރީޖަނަލް ހޮސްޕިޓަލުން މައުލޫމާތު ދެއްވިއެވެ.
