ދިއްދޫގައި މިސްކިތެއް އިމާރާތް ކޮށްދޭނެ ފަރާތެއް ހޯދަނީ

ދިއްދޫގައި މިސްކިތެއް އިމާރާތް ކޮށްދޭނެ ފަރާތެއް ހޯދުމަށް އަލުން އިއުލާން ކޮށްފިއެވެ.

ފިނޭންސް މިނިސްޓްރީން ހާމަކޮށްފައިވާ ގޮތުގައި ދިއްދޫގައި މިސްކިތެއް އަޅައިދޭނެ ފަރާތެއް ހޯދުމަށް އަލުން އިއުލާން ކޮށްފައިވަނީ 2 ސެޕްޓެމްބަރު 2021ގައި ކޮށްފައިވާ އިއުލާނާއި ގުޅިގެން، އެމަސައްކަތަށް ހުށަހަޅާފައިވާ ބީލަންތަށް ބާތިލް ކުރުމަށް ފަހުގައެވެ. މި އިއުލާނަކީ މިނިސްޓްރީ އޮފް އިސްލާމިކް އެފެއާޒްގެ އެދިލެއްވުމުގެ މަތީން ކޮށްފައިވާ އިއުލާނެކެވެ.

މި މަޝްރޫޢުގެ މަސައްކަތަށް ޝަރުތު ހަމަވާ ފަރާތްތަކަށް ބީލަން ހުށަހެޅުމުގެ ފުރުސަތު ވަނީ ޖެނުއަރީ 5 ވީ ބުދަ ދުވަހު ހުޅުވާލައިފައެވެ. މި މަސައްކަތްތަކަށް ޝަރުޠު ހަމަވާ ފަރާތެއް ހޯދުމުގެ ކަންތައް ކުރިޔަށް ގެންދެވޭނީ ނޭޝަނަލް ކޮމްޕެޓިޓިވް ބިޑިންގ (އެން.ސީ.ބީ) އުޞޫލުގެ މަތިން ކަމަށް ވެސް ފިނޭންސް މިނިސްޓްރީގެ އިއުލާނުގައި ހާމަކޮށްފައިވެއެވެ. އެހެންކަމުން މިކަމަށް ކުރިމަތިލާ ފަރާތްތަކުގައި ހުންނަންޖެހޭ ޝަރުޠުތަކާއި އިވެލުއޭޓްކުރެވޭ ކްރައިޓީރިއާ ބީލަން ފޮތުގައި ބަޔާން ކޮށްފައިވާނޭ ކަމަށާއި ކޮންމެ ބީލަމެއްގައި ބައިވެރިވުމަށް  -/500 ރުފިޔާގެ ނޮން-ރިފަންޑަބަލް ރަޖިސްޓްރޭޝަން ފީއެއް ދައްކަން ޖެހޭނެ ކަމަށްވެސް ހާމަކޮށްފައިވެއެވެ. މިގޮތުން ފައިސާ ބަލައިގަންނާނީ 9 ޖަނަވަރީ އިން ފެބްރުއަރީ 2022 އަށް،  ބަންދު ނޫން ކޮންމެ ދުވަހެއްގެ 8:30 އިން 14:00 އަށް މިނިސްޓްރީގެ އޮންލައިން ޕޭމަންޓް ޕޯޓަލް ބަނޑޭރި ޕޭ މެދުވެރިކޮށެވެ.

މީގެ އިތުރުން ފިނޭންސް މިނިސްޓްރީން ހާމަކޮށްފައިވާ ގޮތުގައި މި ޕްރޮޖެކްޓްގެ ބިޑް ސެކިޔުރިޓީގެ ގޮތުގައި 44000ރ (ސާޅިސް ހަތަރު ހާސް ރުފިޔާ) ހުށަހަޅަން ޖެހޭނެއެވެ. ބިޑު ސެކިޔުރިޓީގެ މުއްދަތަކީ ބިޑު ހުޅުވާ ތާރީހުން ފެށިގެން 148 ދުވަހެވެ. ބިޑު ހުޅުވުން އޮންނާނީ 6 ފެބްރުއަރީ 2021ވާ ބުރާސްފަތި ދުވަހުގެ 13:00ގައި މިނިސްޓްރީގެ ނޭޝަނަލް ޓެންޑާގެ ޖަލްސާކުރާ މާލަމުގައެވެ.