ކުޅުދުއްފުށިން މިއަހަރު ފަގީރުންގެ ދަފްތަރުގައި ރަޖިސްޓްރީވާން ފުރުސަތު ހުޅުވާލައިފި
7 ޖެނުއަރީ 2022 | ހުކުރު 10:42މިދިޔަ އަހަރު ފަގީރުންގެ ދަފްތަރުގައި ރަޖިސްޓްރީވެފައިވާ މީހުން މިއަހަރު ރަޖިސްޓްރީ ވާކަށް ނުޖެހޭނެ
ކުޅުދުއްފުށި ސިޓީ ކައުންސިލް އިދާރާ
1443 ވަނަ އަހަރު ފަގީރުންނާއި މިސްކީނުންގެ ދަފުތަރުގައި ކުޅުދުއްފުށި ސިޓީން އަލަށް ރަޖިސްޓްރީވާން ބޭނުންވާ ފަރާތްތަކަށް ސިޓީ ކައުންސިލުން ފުރުސަތު ހުޅުވާލައިފިއެވެ.
ސިޓީ ކައުންސިލުން މައުލޫމާތު ދިންގޮތުގައި 1443 ވަނަ އަހަރު ފަގީރުންނާއި މިސްކީނުންގެ ދަފްތަރުގައި ރަޖިސްޓްރީ ވުމަށް އެދި ހުށަހަޅާ ފޯމަށް އިސްލާހެއް ގެނެވިފައިވާތީ ދަފްތަރުގައި ޖެއްސުމަށް ފޯމް ފުރިހަމަކުރުމަށްފަހު ކައުންސިލް އިދާރާއަށް ހުށަހެޅުމަށެވެ. އެހެނަމަވެސް 1442 ވަނަ އަހަރު ފަީރުންގެ ދަފުތަރުގައި ރަޖިސްޓްރީވެފައިވާ ފަރާތްތަކުން މިފަހަރު ރަޖިސްޓްރީވާން ނުޖެހޭނެ ކަމަށް ކައުންސިލުން ބުނެއެވެ.
ފޯމް ބަލައިގަނެވޭނީ، ފޯމްގައި ފުރިހަމަ ކުރަންޖެހޭ ބައިތައް ފުރިހަމަކޮށް، ފޯމާއިއެކު ހުށަހެޅުމަށް ބަޔާންކޮށްފައިވާ ލިޔުންތަކާއެކު މިމަހުގެ 20 ވަނަ ދުވަހުގެ މެންދުރު 12ގެ ކުރިންނެވެ.
ފޯމް ދޫކުރުމާއި ފޯމް ބަލައިގަތުން ކުރިއަށްދާނީ 02 ޖެނުއަރީން 20 ޖެނުއަރީ 2022ށް ރަސްމީ ދުވަސްތަކުގެ 09:00ން 12:00ށް ކައުންސިލް އިދާރާއިންނެވެ.
