ބޮޑުފޮޅުދޫ "ނަމޫނާ މަގު" ހެދުމުގެ މަސައްކަތް ފަށައިފި
ޕްރޮޖެކްޓް ފެށުމުގެ ގޮތުން އަބަދަށް ފެހި މަގުގައި ވަނީ ލަންޓަން ޖަހާފައި
"ނަމޫނާ މަގު" މަޝްރޫއު ފެށުމަށް ބޭއްވުނު ރަސްމިއްޔާތުގެ ތެރެއިން
އއ.ބޮޑުފޮޅުދޫ "ނަމޫނާ މަގު"ގެ ނަމުގައި، ރަށުގެ މަގުތައް ޒީނަތްތެރި ކުރުމުގެ ގޮތުން އެ ރަށު ކައުންސިލުން ޕްރޮޖެކްޓެއް ފަށައިފިއެވެ.
މި ޕްރޮޖެކްޓް ފެށުމުގެ ގޮތުން ބޮޑުފޮޅުދޫގައި ވަނީ ކުލަގަދަ ރަސްމިއްޔާތެއް ބާއްވާފައެވެ. ބޮޑުފޮޅުދޫ ކައުންސިލުން ހާމަކޮށްފައިވާ ގޮތުގައި މި ޕްރޮޖެކްޓް ފެށުމުގެ ގޮތުން އަބަދަށް ފެހި މަގުގައި ވަނީ ލަންޓަން ޖަހާފައެވެ. އަދި މިވަގުތު ލަންޓަންތަށް ދިއްލުމަށް ނިންމާފައިވަނީ މި ބަދަލުގެ ސަބަބުން ދިމާވަމުންދާ ގޮންޖެހުންތައް ދެނެގަތުމަށެވެ.
މީގެ އިތުރުން ބޮޑުފޮޅުދޫ ކައުންސިލުން ވަނީ ރައްޔިތުންނަށް ދަތި އުދަނގޫތައް ކުރިމަތިނުކުރުވާނެ ކަމުގެ ފުރިހަމަ ޔަގީންކަން ދީފައިއެވެ. އަދި ކައުންސިލު ހިންގަމުންގެންދާނީ ރައްޔިތުންގެ ވިންދާއި އިހްސާސްތައް ދެނެގަނެ ރައްޔިތުންނާ ގާތުން ކަމަށާއި، ބިނާކުރުވަނިވި ފާޑުކިޔުންތަކަށް މަރުހަބާ ކިޔާނޭ ކަމަށްވެސް ކައުންސިލުން ވަނީ ބުނެފައެވެ.
