ބޮޑުފޮޅުދޫއަށް ކުރެއްވި ދަތުރުފުުޅަށްފަހު ރައީސް ޞާލިހް މާލެ ވަޑައިގެންފި
ރައީސް އިބްރާހިމް މުހައްމަދު ޞާލިހް ބޮޑުފޮޅުދޫ ކައުންސިލުގެ ޚިދުމަތުގެ އެންމެ މަތީ ޝަރަފުގެ އައްޑަނަ ޙާޞިލްކުރެއްވި
ރައީސް ޞާލިހް ބޮޑުފޮޅުދޫ އަށް ކުރެއްވި ދަތުރުފުޅުގެ ތެރެއިން
އއ. ބޮޑޮފޮޅުދޫއަށް ކުރެއްވި ދަތުރުފުޅަށްފަހު ކުރީގެ ރައީސް އިބްރާހިމް މުހައްމަދު ޞާލިހް މާލެ ވަޑައިގެންފިއެވެ.
ރައީސް ޞާލިހުގެ މި ދަތުރުފުޅަކީ ބޮޑުފުޅަދޫގެ އެމްޑީޕީ މެމްބަރުންގެ ޚާއްސަ ދައުވަތަކަށް ކުރައްވި ދަތުރުފުޅެކެވެ. ރައީސް ސާލިހް ބުރާސްފަތި ދުވަހު ހަވީރު ބޮޑުފޮޅުދޫ އަށް ވަޑައިގެންނެވި އިރު އެމަނިކުފާނަށް ވަނީ އެރަށުން ހޫނު މަރުހަބާއެއް ދަންނަވާފައެވެ. ރައީސް ޞާލިހަށް މަރުހަބާ ދެންނެވުމަށް އެރަށު ގިނަ އަދަދެއްގެ ރައްޔިތުންވަނީ ބަނދަރަު ސަރަހައްދަށް ޖަމާވެފައެވެ.
މިދަތުރުފުޅުގައި ބޮޑުފޮޅުދޫ ކައުންސިލުން ވަނީ ޚާއްސަ ހަފްލާއެއް ބާއްވާ، އއ. ބޮޑުފޮޅުދޫ ކައުންސިލުން އެރުވޭ ޚިދުމަތުގެ އެންމެ މަތީ ޝަރަފުގެ އައްޑަނަ ރައީސް ޞާލިހަށް އަރުވާފައެވެ. މި އައްޑަނަ ރައީސް ޞާލިހަށް އެރުވީ އެމަނިކުފާނުގެ ވެރިކަމުގައި ބޮޑުފޮޅުދޫގެ ތަރައްޤީއަށް ކޮށްދެއްވާފައިވާ އަގުހުރި މަސައްކަތުގެ އަގުވަޒަން ކުރުމުގެ ގޮތުން ކަމަށް ކައުންސިލުން ބުނެފައިވެއެވެ.
މީގެ އިތުރުން ރައީސް ސާލިހުގެ މި ދަތުރުފުޅުގައި ވަނީ ބޮޑުފޮޅުދޫ ރައްޔިތުންނާ ބައްދަލު ކުރުމަށް އެރަށު ބަނދަރު ސަރަހައްދުގައި ބޭއްވި ޖަލްސާގަވެސް ބައިވެރިވެވަޑައިގެންފައެވެ. އަދި ރައީސް ޞާލިހް ވަނީ އެ ރަށު އިސްރައްވެހިންނާއި ޚާއްސަ އެހީ އާއި ރައްކާތެރިކަމަށް ބޭނުންވާ ފަރާތްތަކަށް ޒިޔާރަތް ކުރަށްވާފައެވެ.
ރައީސް ޞާލިހް ބޮޑުފޮޅުދޫއަށް ކުރެއްވި ދަތުރުފުޅުގައި އެރަށު އެމްޑީޕީގެ އިސް މެމްބަރުންނާ ބައްދަލު ކުރައްވާ، މުހިން މަޝްވަރާތަކެއް ކުރައްވާފައިވެއެވެ. އެގޮތުން ލޯކަލް ކައުންސިލް އިންތިހާބަށް ތައްޔާރުވުން އަދި ބޮޑުފޮޅޫދޫގައި އެމްޑީޕީގެ ހަރަކާތްތަށް އިތުރަށް ފުޅާކުރުމުގެ މަޝްވަރާތައް ކުރިޔަށް ގެންގޮސްފައިވެއެެވެ.
ރައީސް ޞާލިހުގެ ސަރުކާރުގައި ވަނީ ބޮޑުފުޅަދޫގައި ތަރައްގީގެ ގިނަ މަޝްރޫއު ތަކެއް ކުރިޔަށް ގެންގޮސްފައެެވެ. މިގޮތުން ބޮޑުފުޅަދޫގެ ފެނާއި ނަރުދަމާ ނިޒާމުގެ މަސައްކަތް ފެއްޓެވުމާއި، 300 މީހުންގެ ޖާގައިގެ މިސްކިތެއް އެޅުމާއި ސިއްހީ މަރުކަޒުގައި ލެބޯޓަރީގެ ހިދުމަތް ގާއިމް ކުރުން ހިމެނެއެވެ.
ބޮޑުފުޅަދޫގައި ރައީސް ޞާލިހުގެ ސަރުކާރުން ކުރެއްވި އެންމެ މުހިންމު ކަމެއްގެ ގޮތުގައު އެރަށު ރައްޔިތުން ފާހަގަކުރާ ކަމަކީ ރަށުގެ ބިން ހިއްކުމެވެ. ބިން ހިއްކުމާއެކު، ތިރީހަކަށް އަހަރަށްފަހު ބޮޑުފުޅަދޫ ރައްޔިތުން އަމިއްލަ ރަށުން ގޯތި ލިބުމަށް އެދި ދެކެމުން އައި ހުވަފެން ވަނީ ހަގީގަތަކަށްވެފައެެވެ.
ބޮޑުފޮޅުދޫގެ ރައްޔިތުން ސިފަކުރާގޮތުގައި، ރައީސް އިބްރާހިމް މުހައްމަދު ޞާލިހަކީ ބޮޑުފޮޅުދޫގެ ތަރައްގީގެ ބާނީއެވެ.
