މާލެ ސަރަހައްދުން ކޮވިޑުގެ އިތުރު 97 ކޭސް

މާލެ ސަރަހައްދުން އިތުރު 97 މީހަކު ކޮވިޑް-19ށް ޕޮޒިޓިވްވެއްޖެއެވެ.

ހެލްތް ޕްރޮޓެކްޝަން އޭޖެންސީ (އެޗްޕީއޭ)އިން އާންމު ކޮށްފައިވާ ފަހުގެ ތަފާސްހިސާބުތައް ދައްކާ ގޮތުން, ރާއްޖެއިން އިތުރު 242 މީހަކު ކޮވިޑަށް ޕޮޒިޓިވްވެފައިވާއިރު، އޭގެ ތެރޭގައި ހިމެނެނީ އަތޮޅުތަކުން ޕޮޒިޓިވްވި 78 މީހުންނާއި، މާލެ ސަރަހައްދުން ޕޮޒިޓިވްވި 97 މީހުންނާއި އިތުރުން، ރިސޯޓުތަކުން ޕޮޒިޓިވްވި 66 މީހުންނާއި، އުޅަނދަކުން ޕޮޒިޓިވްވި މީހެކެވެ. އެއާއެކު ރާއްޖެއިން މިހާތަނަށް ކޮވިޑަށް ޕޮޒިޓިވްވި މީހުންގެ ޖުމުލަ އަދަދު ވަނީ 96،294ށް އަރާފައެވެ.

ރާއްޖޭގެ މިވަގުތުގެ އެކްޓިވް ކޭހުގެ އަދަދަކީ 2609އެވެ. މި ބަލީގައި މިހާތަނަށް 262 މީހަކު ނިޔާވެފައިވެއެވެ. އަދި މިވަގުތުވެސް 12 މީހަކަށް ހޮސްޕިޓަލުގައި އެޑްމިޓް ކޮށްގެން ފަރުވާ ދެމުންދާކަމަށް އެޗްޕީއޭގެ ތަފާސްހިސާބުތަކުން ދައްކައެވެ.

މިއީ ފަހަކަށް އައިސް ކޮވިޑަށް ޕޮޒިޓިވްވި މީހުންގެ އަދަދު މަތިވެގެން ދިޔަ ފުރަތަމަ ފަހަރެވެ. ޖެނުއަރީ މަހުގެ 1 ވަނަ ދުވަހު ރާއްޖެއިން 191 މީހުން ކޮވިޑަށް ޕޮޒިޓިވްވެފައިވާއިރު މާލެ ސަރަހައްދުން އެ ދުވަހު ޕޮޒިޓިވްވެފައިވަނީ 53 މީހުންނެވެ.