މާލޭގެ ގެއަކުން މަރުވެފައި އޮތް މީހަކު ފެނިއްޖެ
3 ޖެނުއަރީ 2022 | ހޯމަ 03:55މަރުވެފައި އޮއްވަ ފެނުނީ 44 އަހަރުގެ ފިރިހެނެއް
ތޯހިރާ އަޒްހާރް | 3 ޖެނުއަރީ 2022 | ހޯމަ 03:55
ފުލުހުންގެ އޮޕަރޭޝަނެއްގެ ތެރެއިން
މާލޭގެ ގެއަކުން މަރުވެފައި އޮތް މީހަކު ފެނިފައިވާކަމަށް ފުލުހުން ބުނެފިއެވެ.
ފުލުހުން ބުނީ މާފަންނު ގެއެއްގެ ތެރެއަށް މީހަކު ވެއްޓިފައިވާކަމުގެ މައުލޫމާތު އާދިއްތަ ދުވަހުގެ ރޭ 9:03 އެހާއިރު ފުލުހުންނަށް ލިބިފައިވާކަމަށެވެ. ވެއްޓިފައި އޮއްވައި ފެނުނު މީހާއަކީ 44 އަހަރުގެ ފިރިހެނެއް ކަމަށް ފުލުހުން ބުނެފައިވެއެވެ.
އެތަނަށް ދިޔަ ފުލުހުންގެ ޑޮކްޓަރ ބުނެފައިވާގޮތުގައި ފުލުހުން އެތަނަށް ދިޔައިރުވެސް އޭނާ އޮތީ މަރުވެފައެވެ.
މިކަމާއި ގުޅޭ އިތުރު މައުލޫމާތެއް ފުލުހުން ހާމަކޮށްފައެއް ނުވެއެވެ. އަދި ފުލުހުން ގެންދަނީ މި މައްސަލައާއި ގުޅިގެން އިތުރަށް ބަލަންޖެހޭ ކަންކަން ބަލަމުންނެވެ.
