ރާއްޖެ
ކޭއާރްއެޗްގެ އޯޕީޑީގެ މަސައްކަތް
ކުޅުދުއްފުށީ ރީޖަނަލް ހޮސްޕިޓަލްގެ އޯޕީޑީ އިމާރާތް ހެދުމުގެ މަސައްކަތް ފަށައިފި
މިމަސައްކަތް އެމްޓީސީސީއާ ހަވާލުކޮށްފައިވަނީ 20.2 މިލިއަން ރުފިޔާއަށް
އުއްމު ކުލްސޫމް އިބްރާހިމް, ރާއްޖެ އެމްވީ | 2 ޖެނުއަރީ 2022 | އާދީއްތަ 14:58
ކުޅުދުއްފުށީ ރީޖަނަލް ހޮސްޕިޓަލްގެ އޯޕީޑީ އިމާރާތުގެ މަސައްކަތް ކުރިއަށްދަނީ
ކުޅުދުއްފުށީ ރީޖަނަލް ހޮސްޕިޓަލް (ކޭއާރުއެޗް)ގެ އޯޕީޑީ އިމާރާތް ހެދުމުގެ އަމަލީ މަސައްކަތް ފަށައިގެން ކުރިއަށްދާ ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)އިން ބުނެފިއެވެ.
އެ ކުންފުނިން ބުނި ގޮތުގައި މި މަޝްރޫއުގެ މަސައްކަތް ފެށީ 23 ޑިސެމްބަރ 2021ގައެވެ.
މި އިމާރާތުގައި ބަލި މީހުން ބެލުމަށް ހާއްސަ 21 ކޮޓަރިއާއި، ޓްރީޓްމެންޓް ކޮޓަރިއަކާއި، ޕްރޮސީޖަރ ކޮޓަރިއަކާއި، އީސީޖީ ކޮޓަރިއެއްގެ އިތުރުން އެކޯ ރޫމެއް ހަދާގޮތައްވަނީ ހަމަޖެހިފައެވެ.
18 ނޮވެމްބަރު 2021ގައި މި މަޝްރޫއު އެމްޓީސީސީއާ ހަވާލުކުރީ 180 ދުވަހުގެ ތެރޭގައި ނިންމާ ގޮތަށް، 20.2 މިލިއަން ރުފިޔާއަށެވެ.
