ޗެމްޕިއަންސް ލީގު ކާމިޔާބުނުވެ ބުފޮން ކުޅުން ހުޓާލާތަން ބަލަން ބޭނުމެއް ނޫން: ކަސިލަސް
30 މެއި 2017 | އަންގާރަ 17:45ބުފޮން އަށް އަދި މިހާތަނަށް ޗެމްޕިއަންސް ލީގު ކާމިޔާބު ކުރެވިފައެއް ނުވޭ
ރެާލް މެޑްރިޑްގެ ކުރީގެ ކީޕަރު ކަސިލަސް އަދި ޖުވެންޓަސްގެ ކީޕަރު ބުފޮން
ޖުވެންޓްސްގެ ގޯލްކީޕަރު ބުފޮން އަށް ޗެމްޕިއަންސް ލީގު ކާމިޔާބުނުވެ އޭނާގެ ކެރިއަރު ނިންމާލާތަން ބަލަން އެއްގޮތަކަށްވެސް ނޭދޭ ކަމަށް ރެއާލް މެޑްރީޑްގެ ކުރީގެ ގޯލްކީޕަރު އަދި ކެޕްޓަން އިކާ ކަސިލަސް ބުނެފިއެވެ.
ބޭރުގެ ކުޅިވަރު ޙަބަރު ފަތުރާ މީޑިއާއަކަށް ދިން އިންޓަވިއުއެއްގައި ކަސިލަސް ބުނެފައިވަނީ، ޖުވެންޓަސް އާއި ދެކޮޅަށް ފައިނަލުގައި ކުޅޭ ޓީމަކީ ރެއާލް މެޑްރިޑް ނޫންނަމަ އޭނާ އެދޭނީ ބުފޮންއަށް ތަށި އުފުލާލާތަން ބާލާލުމަށް ކަމަށެވެ. އަދި އޭނާ ރެއާލް މެޑްރިޑަށް ސަޕޯޓު ކުރާ ކަމަށާއި ނަމަވެސް ބުފޮންއަށް ޗެމްޕިއަންސް ލީގު ތަށީގައި އަތް ޖައްސާލުމުގެ ފުރުސަތެއް ހައްގު ކަމަށްވެސް އޭނާ ވަނީ ބުނެފައެވެ.
ފައިނަލް މެޗާއި ގުޅޭގޮތުން ކަސިލަސް ބުނެފައިވަނީ، ޖުވެންޓަސް ކޮޅަށް ގޯލެއްޖެހުން އެއީ ކޮންމެ ޓީމަކަށްވެސް އުނދަގޫވާނެ ކަމެއް ކަމަށާއި، އެޓީމުގައި އޮތީ ދުނިޔޭގައިވެސް އޮތް އެންމެ ވަރުގަދަ އެއް ޑިފެންސް ލައިން ކަމަށެވެ. ހައެއާއި އެއްވަރަށް އެޓީމުގެ އެޓޭކިން ލައިންވެސް ވަރުގަދަ ކޮށްފައި ވާކަމަށްވެސް ކަސިލަސް ވަނީ ބުނެފައެވެ. އެހެންކަމުން އޭނާގެ ނަޒަރުގައި ފައިނަލް މެޗު ވެގެންދާނީ "ފިފްޓީ-ފިފްޓީ" މެޗަކަށް ކަމަށްވެސް ކަސިލަސް ވަނީ ބުނެފައެވެ.
ކަސިލަސް ބުނީ، ބުފޮން ވަނީ އޭނާގެ ފުޓުބޯޅަ ހަޔާތުގައި މިވީތަނަށް ހޯދެންހުރި ހުރިހާ ކާމިޔާބީއެއްވެސް ހޯދާފައި ކަމަށާއި، ނަމަވެސް ހާސިލް ނުވެއޮތް ހަމައެކަނި ކާމިޔާބީއަކީ ޗެމްޕިއަންސް ލީގު އުފުލާލުން ކަމަށެވެ. ނަމަވެސް އިދިކޮޅަށް ކުޅޭ ރެއާލް މެޑްރިޑަކީ އޭނާގެ ކުރީގެ ކުލަބު ކަމުން ރެއާލްއަށް ނާކާމިޔާބީއެއް ލިބެން ނޭދޭ ކަމަށްވެސް ކަސިލަސް ބުނެފައިވެއެވެ.
އުމުރުން 39 އަހަރުގެ ކީޕަރު ބުފޮން ވަނީ މީގެ ކުރިން 2 ފަހަރު މި މުބާރާތުގެ ފައިނަލުގައި ކުޅެފައެވެ. ނަމަވެސް އޭނާއަށް ތަށި އުފުލާލުމުގެ ނަސީބު ލުބުފައެއް ނުވެއެވެ.
އިތުރަށް ވާހަކަ ދައްކަމުން ކަސިލަސް ބުނީ، ބުފޮން ކުރިއަށް އޮތް ބެލެންޑިއޯ އެވޯޑަށް ވާދަ ކޮށްފާނެ ކަމަށާއި، ނަމަވެސް އޭނާގެ މަޒަރުގައި ގޯލް ކީޕަރަކަށް އެ އެވޯޑް ލިބުން އެއީ ވުމަށްވުރެ ނުވުން ގާތް ކަމެއް ކަމަށެވެ.
