ދިވެހި ނޫސްވެރިން ތަމްރީނު ކުރަން އިންޑިއާގެ އެހީ ހޯދަން މަޝްވަރާކޮށްފި
29 ޑިސެމްބަރު 2021 | ބުދަ 10:10މި މަޝްވަރާ ބައްދަލުވުމުގައި، ސްކޮލަޝިޕް ޕްރޮގްރާމްތަކެއް ދިވެހި ނޫސްވެރިންނަށް ހޯދައިދިނުމަށް މަޝްވަރާ ކުރި
ދިވެހި ނޫސްވެރިން ތަމްރީނު ކުރުމަށް އިންޑިއާގެ އެހީ ހޯދުމަށް މަޝްވަރާކުރުމަށް ބޭއްވި ބައްދަލްވުމުގެ ތެރެއިން
ދިވެހި ނޫސްވެރިން ތަމްރީން ކުރުމުގެ ފުރުސަތު އިންޑިޔާ އިން ހޯދުމަށް މޯލްޑިވްސް މީޑިއާ ކައުންސިލް (އެމްއެމްސީ) އިން ރާއްޖޭގައި ހުންނަވާ އިންޑިއަން ހައި ކޮމިޝަނަރު މުނު މަހާވަރާއެކު މަޝްވަރާކޮށްފިއެވެ.
އެމްއެމްސީން ބުނީ ދިވެހި ނޫސްވެރިން ތަމްރީނު ކުރުމުގެ ފުރުޞަތު ފަހިކޮށްދެއްވާނެ ކަމުގެ ޔަގީންކަން އިންޑިޔާގެ ސަފީރު މުނު މަހާވަރު ދެއްވި ކަމަށެވެ.
އަދި މީޑިއާ ކައުންސިލާއި އިންޑިޔާގެ ޕްރެސް ކައުންސިލާ ގުޅުން ބަދަހިކޮށް، އެ ދާއިރާއިން ތަމްރީނު ޕްރޮގްރާމް ލިބޭނެ މަގު ފަހިކުރަން މަސައްކަތް ކުރާނެ ކަމަށް ވެސް ސަފީރު ވިދާޅުވި ކަމަށް އެމްއެމްސީން ބުނެއެވެ.
މި މަޝްވަރާގައި ބައެއް ތަމްރީނު ޕްރޮގްރާމް އޮންލައިންކޮށް ހިންގުމާއި ކުރު މުއްދަތާއި ދިގު މުއްދަތުގެ ސްކޮލަޝިޕް ޕްރޮގްރާމްތަކެއް ދިވެހި ނޫސްވެރިންނަށް ހޯދައިދިނުމަށް މަޝްވަރާ ކުރި އެވެ.
