އިތުރު 3 މީހުން އަނެއްކާވެސް ޕޮޒިޓިވްވެ، ކުޅުދުއްފުށީގެ ކޮވިޑު ކޭސްތައް ވިއްސަށް!
27 ޑިސެމްބަރު 2021 | ހޯމަ 15:48މިވަގުތު 26 ގެއެއްގައި 61 މީހަކު ކަރަންޓީނުގައި
ކުޅުދުއްފުށީ ސިޓީ
ކުޅުދުއްފުށިން އިތުރު 3 މީހަކު އަނެއްކާވެސް ކޮވިޑަށް ޕޮޒިޓިވްވެ، ޖުމްލަ އަދަދު 20 އަށް އަރައިފިއެވެ.
ފުލޫ ކްލިނިކަށް އާދީއްތަ ދުވަހު ދެއްކި މީހަކު ޕޮޒިޓިވްވެފައި ވާއިރު، އެހެން ކްލަސްޓަރެއެއްގެ ކޮންޓެކްޓް ޓްރޭސިންގެ ތެރެއިން ހޯމަ ދުވަހު 3 މީހަކު ޕޮޒިޓިވްވެ، ޖުމްލަ އަދަދު 20ށް ، ވަނީ އަރާފައެވެ.
ކުޅުދުއްފުށީ ސިޓީއިން ކޯވިޑް ކޭސްއެއް ނުފެނި ދުވަސްކޮޅެއް ދިއުމަށްފަހު، އެންމެ ފަހުން ކޯވިޑް ކޭސްއެއް ފެނިފައިވަނީ މި މަހުގެ 20 ވަނަ ދުވަހުއެވެ.
މިވީ މަދު ދުވަސްކޮޅުގެ ތެރޭގައި ހަތަރު ކްލަސްޓާއެއް ފެނިފައި ވުމުން ރަށު ތެރޭގައި ބަލި ފެތުރުމުގެ ފުރުސަތު ބޮޑުކަމަށް، ސިއްހީ އޮފިޝަލުން ވިދާޅުވެއެވެ. އެހެންކަމުން ބަލިން ރައްކާތެރިވުމަށް އެޅެން އޮތް ފިޔަވަޅުތައް އެޅުމަށް ވަނީ އިލްތިމާސް ކޮށްފަ އެވެ.
މިވަގުތު އެ ސިޓީގެ 26 ގެއެއްގައި 61 މީހަކު ވަނީ ކަރަންޓީނުގައެވެ
