ސްޓެލްކޯގެ ޗެއަރމަން އަވަހާރަވެއްޖެ
26 ޑިސެމްބަރު 2021 | އާދީއްތަ 09:01އަވަހާރަވީ ހާރޓްއެޓޭކެއް ޖެހިގެން ކަމަށް މައުލޫމާތު ލިބޭ
ޝިއުނާ ސޯލިހް | 26 ޑިސެމްބަރު 2021 | އާދީއްތަ 09:01
މުހައްމަދު ރަޝީދު - ސްޓެލްކޯ ޗެއަރމަން
ސްޓެލްކޯގެ ޗެއަރމަން މުހައްމަދު ރަޝީދު އަވަހާރަވެއްޖެއެވެ.
ރަޝީދު އަވަހާރަވެފައިވަނީ ހާޓްއެޓޭކެއް ޖެހިގެން އޭޑީކޭގައި ފަރުވާ ހޯއްދަވަމުން ގެންދަވަނިކޮށް އާދީއްތަ ދުވަހުގެ މެންދުރުގެ ވަގުތެއްގައި ކަމަށް އާއިލާއިން މައުލޫމާތުދެއެވެ.
ސްޓެލްކޯގެ ޗެއަރމަން ކަމަށް މުހައްމަދު ރަޝީދު އައްޔަން ކޮށްފައިވަނީ 2019 ވަނަ އަހަރުގެ ފެބްރުއަރީ މަހުގައެވެ. އޭގެ ކުރިން މުހައްމަދު ރަޝީދު ވަނީ ސްޓެލްކޯގެ އެސިސްޓެންޓް މެނޭޖިންގ ޑިރެކްޓަރ ކަމާއި ސީއީއޯގެ މަގާމު ވެސް ފުރުއްވާފައެވެ.
މުހައްމަދު ރަޝީދު ވަނީ 50 އަަހަރަށްވުރެ ގިނަ ދުވަހު ސްޓެލްކޯއަށް ޚިދުމަތް ކުރައްވާފައެވެ.
