ރައީސް ނަޝީދުގެ ފަރާތުން ކުޅުދުއްފުށީގެ 3 ސުކޫލަށް ޞަޙީޙު މުސްލިމްގެ ދިވެހި ތަރުޖަމާ ހަދިޔާކޮށްފި
ނަޝީދު އެ ސްކޫލްތަކަށް ހަދިޔާކޮށްފައިވަނީ ޞަޙީޙު މުސްލިމްގެ ދިވެހި ތަރުޖަމާއާއި ޝަރަޙައިގެ ދިހަވަނަ އަދި އެގާރަވަނަބައި
3 ސުކޫލަށް ޞަޙީޙު މުސްލިމްގެ ދިވެހި ތަރުޖަމާ ހަދިޔާކުރުން
ރައްޔިތުން މަޖިލީހުގެ ރައީސް، ރައީސް މުހައްމަދު ނަޝީދުގެ ފަރާތުން ކުޅުދުއްފުށީގެ 3 ސުކޫލަށް “ޞަޙީޙު މުސްލިމްގެ ދިވެހި ތަރުޖަމާއާއި ޝަރަޙަ” ހަދިޔާކޮށްފިއެވެ.
ނަޝީދު އެ ސްކޫލްތަކަށް ހަދިޔާކޮށްފައިވަނީ ޞަޙީޙު މުސްލިމްގެ ދިވެހި ތަރުޖަމާއާއި ޝަރަޙައިގެ ދިހަވަނަ އަދި އެގާރަވަނަ ބައެވެ.
މި 2 ފޮތް ރައީސް މުހައްމަދު ނަޝީދުގެ ފަރާތުން ޖަލާލުއްދީން ސްކޫލް، ހދ. އަތޮޅު ތަޢުލީމީ މަރުކަޒު އަދި އަފީފުއްދީން ސްކޫލާ އަންގާރަ ދުވަހު ހަވާލުކޮށްދެއްވީ ކުޅުދުއްފުށި ސިޓީގެ މޭޔަރު މުޙައްމަދު ޢާޠިފެވެ.
"ޞަޙީޙް މުސްލިމްގެ ދިވެހި ތަރުޖަމާ އާއި ޝަރަހަ ފޮތް" އެކުލަވާލާފައިވަނީ އިމާމު މުސްލިމްގެ ޞަޙީޙް މުސްލިމް އަސްލަކަށް ބަލައިގެންނެވެ.
