ކުޅުދުއްފުށިން ދެ މީހަކު ކޮވިޑަށް ޕޮޒިޓިވްވެއްޖެ
20 ޑިސެމްބަރު 2021 | ހޯމަ 16:10މި ކޭހާ ގުޅިގެން މިހާތަނަށްވަނީ 15 ގެއެއް ކަރަންޓީން ކޮށްފައި
ކުޅުދުއްފުށި ސިޓީގައި ރެންޑަމް ސާމްޕަލް ނަގަނީ
ކުޅުދުއްފުށިން ދެ މީހަކު ކޮވިޑަށް ޕޮޒިޓިވްވެއްޖެއެވެ.
ކުޅުދުއްފުށީ ރީޖަނަލް ހޮސްޕިޓަލުން މަޢުލޫމާތު ދެއްވިގޮތުގައި އެ ސިޓީއިން ކޯވިޑްއަށް ޕޒިޓިވްވެފައިވަނީ ރޯގާގެ އަލާމާތްތައް ހުރުމުން އާދީއްތަ ދުވަހު ފުލޫކްނިކަށް ދެއްކި 30 އަހަރުގެ އަންހެނަކާއި، ބަލީގެ އަލާމާތްތައް ހުރުމުން ހޯމަ ދުވަހު ފުލޫ ކްލިނިކަށް ދެއްކި 28 އަހަރުގެ ފިރިހެނެކެވެ.
މި ކޭހާ ގުޅިގެން، ކޮންޓެކްޓް ޓްރޭސިންނާއި ސާމްޕަލް ނެގުމުގެ މަސައްކަތް ކުރަމުންދާއިރު، މިހާތަނަށްވަނީ 15 ގެއެއް ކަރަންޓީން ކޮށްފައެވެ.
ޕޮޒިޓިވްވި 2 މީހުންގެ ތެރެއިން 28 އަހަރުގެ ފިރިހެން މީހާއަކީ ހޯމަ ދުވަހު މާލެއިން ކުޅުދުއްފުއްޓަށް ދިޔަ މީހެކެވެ. އޭނާގެ އެއްވެސް ކޮންޓެކްޓެއް ނެތްކަމަށް ރީޖަނަލް ހޮސްޕިޓަލުން މައުލޫމާތު ދެއެއެވެ.
ކުޅުދުއްފުށިން އެންމެ ފަހުން ކޯވިޑް ކޭސްއެއް ފެނިފައިވަނީ މި އަހަރުގެ ނޮވެމްބަރ މަހުގެ 7 ވަނަ ދުވަހުއެވެ.
މިދުވަސްވަރު އަތޮޅު ތެރޭގެ ރަށްރަށުން ކޮވިޑް ކޭސްތައް ފެންނަވަރު ވަނީ އިތުރުވެފައެވެ.
