ފުލުހުން ހިންގި އޮޕަރޭޝަނެއްގައި 48ގަޑިއިރު ތެރޭގައި 119 ކިލޯގެ މަސްތުވާތަކެތި
14 ޑިސެމްބަރު 2021 | އަންގާރަ 07:33މި އޮޕަރޭޝަނުގައި ފުލުހުން ވަނީ އަންގާރަދުވަހު ހުޅުމާލޭގެ ރެހެންދި ސްކޫލް ސަރަހައްދުގައި ހަރަކާތްތެރިވެފައި
ހުޅުމާލޭގައި ފޮރުވާފައި ހުރި 119 ކިލޯގެ މަސްތުވާތަކެތި
ފާއިތުވެދިޔަ 48 ގަޑިއިރު ތެރޭގައި ފުލުހުން ހިންގި ޚާއްސަ އޮޕެރޭޝަނެއްގައި 119 ކިލޯގެ މަސްތުވާތަކެތި އަތުލައިގެންފައިވާ ކަމަށް ކޮމިޝަނާރ އޮފް ޕޮލިސް މުހައްމަދު ހަމީދު ވިދާޅުވެއްޖެއެވެ.
ސީޕީ ވިދާޅުވީ މިދިޔަ އާދިއްތަ ދުވަހު އަތުލައުގެންފައިވާ 28 ޕެކެޓްގެ މަސްތުވާތަކެއްޗާއި، އޭގެ ފަހުން ހިންގި އޮޕަރެޝަނެއްގައި އަތުލައިގެންފައިވާ 91 ޕެކެޓް މަސްތުވާތަކެއްޗާއެކު ޖުމްލަ 119 ކިލޯގެ މަސްތުވާތަކެތި 48 ގަޑިއިރުގެ ތެރޭގައި އަތުލައިގެންފައިވާ ކަމަށެވެ. މި އޮޕަރޭޝަންގައި ފުލުހުން ވަނީ އަންގާރަ ދުވަހު ހުޅުމާލޭގެ ރެހެންދި ސްކޫލް ސަރަހައްދުގައި ހަރަކާތްތެރިވެފައެވެ.
މަސްތުވާތަކެތި ބަންދުކޮށްފައި ހުރި ޕެކެޓްތަކުގައި 119 ކިލޯ ހުރި ކަމަށް ވެސް ސީޕީ ވިދާޅުވިއެވެ. ސީޕީ ވިދާޅުވާ މަސްތުވާތަކެތި ފުލުހުން އަތުލައިގަތީ މިދިޔަ އާދިއްތަ ދުވަހުގެ ރޭ ފުލުހުން ހިންގި އޮޕަރޭޝަނެއްގައި މާލޭގެ މަގުމަތިން ދުއްވާފައި ދިޔަ ޓެކްސީއެއް ހުއްޓުވުމަށްފަހުއެވެ. ޓެކްސީ ހުއްޓުވީ މާލޭގެ ބުރުޒުމަގު ޔެލޯ ބްރީޒް ފިހާރަ ކައިރިންނެވެ. އެރޭ އަތުލައިގައިންފައިވަނީ 28 ޕެކެޓާއި ދަބަހެކެވެ.
މަސްތުވާތަކެއްޗާ ދެކޮޅަށް ފުލުހުން ކުރަމުންދާ މަސައްކަތް މިހާރު ވަނީ ވަރަށް ބޮޑަށް ވަރުގަދަ ކޮށްފައެވެ. އެގޮތުން ފާއިތުވި ދެމަސް ދުވަހުގެ ތެރޭގައިވެސް 315 ކިލޯއަށްވުރެ ގިނަ މަސްތުވާތަކެތި ރާއްޖޭގެ އެކި ކަންކޮޅުތަކުން އަތުލައިގެންފައިވެއެވެ.
