ކުޅުދުއްފުށި ސިޓީގައި ގަވާއިދާ ޚިލާފަށް ޕާކްކޮށްފައި ހުރި އެއްގަމު އުޅަނދުތަކެއް ފުރަތަމަ ފަހަރަށް ޓޯކޮށްފިއެވެ.
ފުލުހުން ޓޯކޮށްފައިވަނީ ކުޅުދުއްފުށީ ރީޖަނަލް ހޮސްޕިޓަލް ކައިރީގައި ގަވާއިދާ ޚިލާފަށް ޕާކްކޮށްފައި ހުރި އުޅަނދުތަކެކެވެ.
މި ޑިސެމްބަރ މަހުގެ 3 ވަނަ ދުވަހު ކުޅުދުއްފުށި ސިޓީ ކައުންސިލުން ވަނީ ބަންޑާރަ މަގުގެ ކުޅުދުއްފުށި ރީޖަނަލް ހޮސްޕިޓަލް ކުރިމައްޗަށްވާ ސަރަހައްދުގައި އިމަރޖަންސީ ވެހިކަލްތަކަށް ވަދެ ނުކުތުމަށް އުނދަގޫވާނޭ ގޮތަށް މަޑުކުރުން މަނާ މާރކިން އަދި ސަރަހައްދުގެ ޕާރކިން ޒޯންތައް ފާހަގަކޮށްފައެވެ.
މަގުމަތީގެ އަމާންކަން ގާއިމްކޮށް އާންމުންގެ ސަލާމަތާއި ރައްކާތެރިކަން ދެމެހެއްޓުމަށް ފުލުންދަނީ ގިނަގުނަ މަސައްކަތްތަކެއް ކުރަމުންނެވެ
