ކުޅުދުއްފުށީ ސިޓީގައި އަލިފާނުގެ ހާދިސާއެއް ހިނގައިގެން އެމްއެންޑީއެފް އިން އެހީތެރިވެއްޖެ
3 ޑިސެމްބަރު 2021 | ހުކުރު 07:04މިހާދިސާގައި މެސްކޮޓް ގަރާޖުވަނީ ބޭނުން ނުކުރެވޭވަރަށް އަނދާފަ
ކުޅުދުއްފުށީ މެސްކޮޓް ގަރާޖު ރޭގިނގި އަލިފާނުގެ ހާދިސާގައި އަނދާފައި
ރޭދަންވަރު ކުޅުދުއްފުށީ ސިޓީ "މެސްކޮޓް ގަރާޖް" ގައި ރޯވި އަލިފާން އެމްއެންޑީއެފް ފަޔަރ އެންޑް ރެސްކިއު ސަރވިސްއިން ނިއްވާލައިފިއެވެ.
އެމްއެންޑީއެފް އިން ވިދާޅުވީ މެސްކޮޓް ގަރާޖްގައި ރޯވެގެން އުޅޭ ކަމުގެ ރިޕޯޓް އެމްއެންޑީއެފް ނޮދަން އޭރިއާ ކުޅުދުއްފުށި ފަޔަރ ސްޓޭޝަންއަށް ލިބިފައިވަނީ ރޭ 02:48 ހާއިރުއެވެ. މި ހާދިސާގެ ރިޕޯޓް ލިބުމާއެކު ކުޅުދުއްފުށި ފަޔަރ ސްޓޭޝަންގެ ފަޔަރފައިޓަރުންވަނީ ވަގުތުން ހަރަކާތްތެރިވާން ފަށާފައެވެ. މިގޮތުން ފަޔަރަފައިޓަރުން އެސަރަހައްދަށް ގޮސް ކުރި މަސައްކަތުން ރޭ 03:45 ހާއިރު ވަނީ އަލިފާން ނިއްވާލާފައެވެ. ނަމަވެސް އަލިފާނުގެ ހާދިސާ ހިނގި ސަރަހައްދުން ދުން އަރާތީ ކުޅުދުއްފުށި ފަޔަރ ސްޓޭޝަންގެ ފަޔަރފައިޓަރުން ވަނީ މިއަދު ހެނދުނު 06:30 ހާއިރު އެ ސަރަހައްދަށް ގޮސް އެތަނަށް ފެން ޖަހާ ދުންގަނޑު ކޮންޓްރޯލް ކޮށްފައެވެ.
މެސްކޮޓް ގަރާޖުގެ ވެރިފަރާތުންބުނީ ގަރާޖުވަނީ ބޭނުން ނުކުރެވޭވަރަށް އަދާފައިކަމަށެވެ. އަލި ލިބުނުގެ ގެއްލުން ބަލަމުންދާއިރު މިލިއަނަކަށްވުރެ ބޮޑުގެންލުން މިހާރުފެންނަން ހުރިވަރުންވެސް ލިބިފައިވާކަމަށެވެ.
މިއަލިފާނުގެ ހާދިސާ ހިނގަން މެދުވެރިވި ސަބަބެއް އަދި ހޯދިފައި ނުވާކަމަށާއި ،މި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވާކަމަށްވެސް އެމްއެންޑީއެފްއިން ވިދާޅުވެއެވެ.
މިމައްސަލަ ފުލުހުން ގެންދަނީ އިތުރަށް ތަހުގީގުކުރަމުންނެވެ.
