ރާއްޖޭގައި ބޭނުން ކުރާ އައިވީގެ ބާވަތެއް ކަމަށްވާ 'އާރްއެލް' އައިވީ ވިއްކުމާއި ބޭނުން ކުރުން މޯލްޑިވްސް ފުޑް އެންޑް ޑްރަގް އޮތޯރިޓީން މަނާކޮށްފިއެވެ.
އެ އޮތޯރިޓީން ބުނީ އެ ޕްރޮޑަކްޓުން ކޮލިޓީގެ މައްސަލަތަކެއް ފެނިފައިވާ ކަމަށެވެ.
މީގެ އިތުރުން މައްސަލަ ދިމާވެފައިވާ އައިވީއަކީ އެ އޮތޯރިޓީން ހުއްދަ ދީފައިވާ އައިވީއެއް ނޫން ކަމަށްވެސް އެއޮތޯރިޓީން ބުނެއެވެ. އެ ޕްރޮޑަކްޓް އެއްވެސް ފާމަސީއެއް ނުވަތަ ސިއްހީ ޚިދުމަތް ދޭ ތަނަކުން ފެނިއްޖެނަމަ އެ އޮތޯރިޓީގެ ހޮޓްލައިން 7200321ށް އެންގުމަށް އެ އޮތޯރިޓީން ވަނީ އެދިފައެވެ.
ރާއްޖޭގައި ކާތަކެތި އުފައްދާ ބްރޭންޑެއް ކަމަށްވާ "ދޮންގޮއްޔެ" ބްރޭންޑްގެ ތަކެތި ބޭނުން ނުކުރަންވެސް އެއޮތޯރިޓީން ވަނީ އިލްތިމާސްކޮށްފައެެވެ.
