ޔުގެންޑާ އެއަރޕޯޓު ޗައިނާގެ އަތްދަށަށް!
28 ނޮވެމްބަރު 2021 | އާދީއްތަ 16:06ޔުގެންޑާ އެއަރޕޯޓް ނަގާފައިވަނީ ޗައިނާއަށް ދައްކަންޖެހޭ ލޯނެއް ދައްކާފައިނުވާތީ
ޔުގެންޑާ އެއަރޕޯޓު
ޔުގެންޑާގެ އެންޓެބެ އިންޓަރނޭޝަނަލް އެއަރޕޯޓު ޗައިނާގެ ބާރުގެ ދަށަށް ގެންގޮސްފިއެވެ.
މި އެއަރޕޯޓު ޗައިނާއިން ނަގާފައިވަނީ ޔުގެންޑާއިން ޗައިނާއަށް ދައްކަންޖެހޭ ލޯނެއް އަނބުރާ ނުދެއްކުމުން، އެ ލޯނު އަނބުރާ ދެއްކެންދެންނެވެ.
ޔުގެންޑާއިން ނަގާފައިވާ މި ލޯނަކީ އެގައުމުގެ ހަމައެކަނި އެއަރޕޯޓު އެންޓެބެ އިންޓަރނޭޝަނަލް އެއަރޕޯޓުގެ އެކްސްޕެންޝަން މަސައްކަތަށް ނަގާފައިވާ 200 މިލިއަން ޑޮލަރުގެ ލޯނެކެވެ. މީގެ 6 އަހަރު ކުރިން ނަގާފައިވާ މި ލޯނު އަނބުރާ ނުދެއްކިއްޖެނަމަ ޗައިނާއިން އަޅަން ނިންމާފައިވާ ހަރުކަށި ފިޔަވަޅުތައް ބަދަލުކުރުމަށް ޔުގެންޑާއިން ވަނީ އެދިފައެވެ. އެހެންނަމަވެސް ޗައިނާއިން ވަނީ އެކަންކަން ބަދަލު ނުކުރަން ނިންމާފައެވެ.
ޗައިނާއާ ޔުގެންޑާއާ ދެމެދު ވެފައިވާ އެއްބަސްވުމުގައި ވަނީ, ލޯނު އަނބުރާ ނުދެއްކިއްޖެ ހާލަތެއްގައި އެންޓެބެ އެއަރޕޯޓާއި، ޔުގެންޑާ ސަރުކާރުގެ ދަށުގައިވާ އެހެނިހެން ތަންތަނާއި ތަކެތި ވެސް ޗައިނާއަށް ދޭންޖެހޭނެ ކަމަށެވެ. މި މާއްދާ ބަދަލުކުރުމަށް ޔުގެންޑާގެ ވަފުދެއް ޗައިނާގެ ބެއިޖިންގއަށް ގޮސްފައިވެއެވެ. އެހެންނަމަވެސް މި މާއްދާ ބަދަލުކުރެވޭގޮތް ވެފައެއް ނުވެއެވެ.
