"ރެކްލެމޭޝަން އޮފް 3 ޑިފަރެންޓް އައިލެންޑްސް" މަޝްރޫޢުގެ މަސައްކަތް ނިމުމުގެ ރަސްމިއްޔާތު ބާއްވައިފި
25 ނޮވެމްބަރު 2021 | ބުރާސްފަތި 17:28މި މަޝްރޫޢުގެ މަސައްކަތް ނިމުނީ 24 ނޮވެމްބަރުގައި
ސެންޓާރާ ނިއު ރިސޯޓްސް މޯލްޑިވްސްގެ ރެކްލެމޭޝަން އޮފް 3 ޑިފަރެންޓް އައިލެންޑްސް މަޝްރޫޢުގެ މަސައްކަތް ނިމުމުގެ ރަސްމިއްޔާތުގެ ތެރެއިން
ރެކްލެމޭޝަން އޮފް 3 ޑިފަރެންޓް އައިލެންޑްސް މަޝްރޫޢުގެ މަސައްކަތް ނިމުމުގެ ރަސްމިއްޔާތު ބުރާސްފަތި ދުވަހު ކްރޮސް ރޯޑްސް މޯލްޑިވްސްގައި ބާއްވައިފިއެވެ.
މި މަޝްރޫޢުގެ ދަށުން، ވައްޓަރުފަޅު ފަރުގައި އޮންނަ 3 އާރޓިފިޝަލް ރަށެއްގެ ބިން ހިއްކުމުގެ މަސައްކަތް ހިމެނެއެވެ. މިއިން ކޮންމެ ރަށެއްގައި 7 ހެކްޓަރުގެ ސަރަހައްދެއް އޮވެއެވެ. ލެގޫން އެސެޓްސް ޕްރައިވެޓް ލިމިޓެޑުން މި ކުންފުންޏާ ޙަވާލުކުރި މި މަޝްރޫޢަކީ 26.29 މިލިއަން ޑޮލަރުގެ މަޝްރޫޢެކެވެ.
މި މަޝްރޫޢުގެ މަސައްކަތް ނިމުނީ 24 ނޮވެމްބަރ 2021 ވަނަ ދުވަހުއެވެ. މި މަޝްރޫޢަކީ އެމްޓީސީސީގެ 40 އަހަރުގެ ދިގު ތާރީޚުގައި ބައިނަލްއަޤްވާމީ ކްލައިންޓަކަށް ފުރިހަމަކޮށްދިން، އަގުގެ ގޮތުން އެންމެ ބޮޑު މަޝްރޫޢެވެ.
މި ރަސްމިއްޔާތުގައި ވާހަކަ ދައްކަވަމުން އެމްޓީސީސީގެ ސީއީއޯ އާދަމް ޢާޒިމް ވިދާޅުވީ، އިންޓަރނޭޝަން ކުންފުނިތަކާ ވާދަކުރުމަކީ އެމްޓީސީސީގެ އަމާޒު ކަމަށާއި، ފާއިތުވި އަހަރުތަކުގައި ކުންފުނި އެކި ދާއިރާތަކުން ކުރިއަރާފައިވާ ކަމަށެވެ. ކުންފުނީގެ ކެޕޭސިޓީ އިތުރުކުރުމުގެ މަސައްކަތް ކުރަމުންދާ ކަމަށާއި، ކުންފުނީގެ މަސައްކަތްތައް ހަލުވިކޮށް ޕްރޮޖެކްޓްތައް ކަނޑައެޅިފައިވާ މުއްދަތުގައި ނިންމާ ކަމަށް ވެސް ފާހަގަކުރެއްވިއެވެ.
ސެންޓާރާ ހޮޓެލްސް އެންޑް ރިސޯޓްސްގައި އޮތް މި ރަސްމިއްޔާތު ޝަރަފުވެރިކޮށްދެއްވީ މިނިސްޓަރ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރ މުޙައްމަދު އަސްލަމެވެ. އަދި މި ރަސްމިއްޔާތުގައި މިނިސްޓަރ އޮފް ސްޓޭޓް ފޮރ ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރ އަކްރަމް ކަމާލުއްދީނާއި ޝިފާޒް ޢަލީއާއި ސެންޓާރާ ގްރޭންޑް އައިލެންޑް އެންޑް ސެންޓާރާ ރަސްފުށީގެ އޭރިއާ ޖެނެރަލް މެނޭޖަރ ޕްރަޕައިޖިޓް ތޮންގްމާއާއި ނިރާސް އިންޓަރނޭޝަނަލް ކޮންސަލްޓިންގގެ ޑައިރެކްޓަރ އޮފް ޕޯޓްސް އެންޑް މެރިޓައިމް މރ. ޖޭސްޕަރ ހާރޑަރިއާއި އެމްޓީސީސީގެ ސީއީއޯ އާދަމް ޢާޒިމްއާއި އެމްޓީސީސީގެ އިސްވެރިން ބައިވެރިވެވަޑައިގެންނެވިއެވެ.
