މާލޭގެ ބޮޑު ބަޔަކުން ކަރަންޓް ކެނޑިއްޖެ
ކަރަންޓް ކެނޑުނީ ދަންވަރު 2 ޖަހާކަށްހާއިރު
އާޖަނަރޭޓަރުތަކުން ކަރަންތް ދޫކުރަން ފެށުމުގެ ތެރެއިން
ހޮނިހިރު ދުވަހުގެ ރޭ ދަންވަރު މާލޭގެ ބޮޑު ބަޔަކުން ކަރަންޓް ކެނޑިއްޖެ އެވެ. ކަރަންޓް ކެނޑުނީ ދަންވަރު 2:00 ހާއިރު އެވެ.
ރާއްޖެ އެމްވީއަށް މައުލޫމާތު ލިބިފައިވާ ގޮތުގައި ކަރަންޓް ހުރީ މާފަންނުގެ ވަރަށް މަދު ތަނެއްގަ އެވެ.
ކަރަންޓް ކެނޑުނުނަމަވެސް ބައެއް ސަރަހައްދު ތަކުގެ މަގު ބައްތިތަކުގައި ކަރަންޓް ހުއްޓެވެ.އެކަމަކު މާފަންނުގެ ބައެއް މަގު ބައްތިތަކުގައި ކަރަންޓް ނެތުމުގެ ސަބަބުން މާފަންނުގެ ބޮޑުބައެއްއޮތީ އަނދިރި ކޮށެވެ.
ގާތްގަނޑަކަށް 2:45 ހާއިރު ބައެއް ސަރަހައްދުތަކަށް ވަނީ ކަރަންޓް ލިބިފައެވެ.
މިކަމާ ގުޅޭގޮތުން ސްޓެލްކޯގެ ބަހެއް ލިބިފައި ނުވާއިރު ކަރަންޓް ދިޔަ ސަބަބާއި ދިޔަ ހިސާބުތައް ޔަޤީން ވެފައެއް ނުވެއެވެ.
ބައެއް މީޑިޔާތަކަށް ސްޓެލްކޯގެ އޮފިޝަލަކު ވިދާޅުވެފައިވަނީ ކަރަންޓް ދިޔައީ އަލަށް މާލޭގައި ބެހެއްޓި ޖަނަރޭޓަރުތައް ނިވިގެން ކަމަށެވެ. ނަމަވެސް ނިވެން ދިމާވި ސަބަބެއް ހާމަކުރައްވާފައެއް ނުވެއެވެ. ސްޓެލްކޯއިން ސޯޝަލް މީޑިއާގައި ބުނެފައިވަނީ ކަރަންޓް ކެނޑުނީ ދިމާވި ޓެކްނިކަލް މައްސަލައަކުން ކަމަށެވެ. އަދި އެ މައްސަލަ ހައްލު ކުރުމަށް މަސައްކަތް ކުރަމުން ގެންދާ ކަމަށެވެ. ނަމަވެސް އެއީ ކޮން މައްސަލައެއް ކަމެއް ސާފެއް ނުވެ އެވެ.
