ޔުނިޓީ ނައިޓް މާކެޓްގައި ބައިވެރިވުމުގެ ފުރުސަތު ހުޅުވާލައިފި
25 ނޮވެމްބަރު 2021 | ބުރާސްފަތި 04:23ނައިޓް މާކެޓް ބޭއްވުމަށް ހަމަޖެހިފައިވަނީ އަންނަ ޑިސެމްބަރު މަހު
ރަސްފަންނު ސަރަހައްދުގައި މީގެ ކުރިން ބޭއްވި ނައިޓް މާކެޓެއްގެ ތެރެއިން
ޔުނިޓީ ނައިޓް މާކެޓްގައި ބައިވެރިވުމުގެ ފުރުސަތު ހުޅުވާލައިފިއެވެ.
މި ނައިޓް މާކެޓްގައި ބައިވެރިވުމުގެ ފުރުސަތު ހުޅުވާލާފައިވާއިރު 7893653 މި ނަންބަރަށް ގުޅައިގެން ސްޓޯލްތައް ބުކް ކުރެވޭނެ ކަމަށް މި ހަރަކާތް އިންތިޒާމު ކުރާ ޔުނިޓީ އިވެންޓްސް އެންޑް އެންޓަޓެއިންމަންޓުން ވަނީ ބުނެފައެވެ.
ރާއްޖެއެމްވީއަށް މައުލޫމާތު ދެމުން އެ ކުންފުނީގެ ޗީފް އޮޕަރޭޝަންސް އެންޑް ކޮމިއުނިޭޝަންސް އޮފިސަރ އަހްމަދު ސަވާދު ވިދާޅުވީ މިހާރު ވެސް 50 އިންސައްތަ ސްޓޯލް މީހުން ބުކް ކޮށްފައިވާ ކަމަށެވެ. އަދި ނައިޓް މާކެޓުގައި 140 ސްޓޯލް މިފަހަރު ހުންނާނެ ކަމަށް ވެސް ވިދާޅުވިއެވެ.
މިމަހުގެ 30 ވަނަ ދުވަހުގެ ނިޔަލަށް ސްޓޯލްތައް ގަތުމުގެ ފުރުސަތު ހުޅުވާލައިފައިވި ނަމަވެސް އޭގެ ފަހުން ވެސް ހުސް ސްޓޯލެއް ހުރެއްޖެނަމަ ފުރުސަތު ލިބޭނެ ކަމަށް އެ ކުންފުނިން ބުންޏެވެ.
ނައިޓް މާކެޓް ބޭއްވުމަށް ހަމަޖެހިފައިވަނީ އަންނަ ޑިސެމްބަރު މަހުގެ އެއްވަނަ ދުވަހުން ފެށިގެން 10 ވަނަ ދުވަހަށް ކޮންމެ ދުވަހެއްގެ ހަވީރު 04:00ން ރޭގަނޑު 12:00ށް ހުޅުމާލެ ރުއްގަނޑު ސަރަހައްދުގައެވެ.
