ކޮންމެ މީހަކަށްވެސް ކައުންސިލާ ބައްދަލު ކުރެވޭނެ ފަސޭހަ ގޮތެއް ކުޅުދުއްފުށި ސިޓީ ކައުންސިލުން ހަމަޖައްސައިފި
ކޮންމެ ހޯމަ ދުވަހެއްގެ 1ން 2ށް ޚާއްސަ ކޮށްފައިވަނީ ރައްޔިތުންގެ އަޑު އަހާ ގަޑިއަކަށް
ކުޅުދުއްފުށި ސިޓީ ކައުންސިލްގެ ބައްދަލުވުމެއް ކުރިއަށްދަނީ
ކޮންމެ ރައްޔިތަކަށްވެސް ކައުންސިލް މެންބަރުންނާއި ބައްދަލު ކުރެވޭނެ ފަސޭހަ ގޮތެއް ކުޅުދުއްފުށި ސިޓީ ކައުންސިލުން ހަމަޖައްސައިފިއެވެ،
އެގޮތުން ސިޓީ ކައުންސިލުން ބުނީ ކައުންސިލް މެންބަރުންނާ ބައްދަލު ކުރަން ބޭނުންވާ ރައްޔިތުން ކޮންމެ ހޯމަ ދުވަހެއްގެ މެންދުރު 1ން 2ށް ކައުންސިލް އިދާރާއަށް ހާޒިރުވުމަށެވެ. ކޮންމެ ހަފުތާއެއްގެ ވެސް ހޯމަ ދުވަހުގެ އެގަޑި ޚާއްސަ ކޮށްފައިވަނީ ރައްޔިތުންގެ ޚިޔާލުތަކާއި ޝަކުވާއާއި އަދި މިނޫންވެސް އެކި ކަންކަމާ ގުޅޭގޮތުން ރައްޔިތުން ދައްކާ ވާހަކަ ކައުންސިލުން އަޑުއަހާ ވަގުތެެއްގެ ގޮތުގައެވެ. އެގޮތުން މި ބައްދަލުވުން ތަކުގައި ކޮންމެ ހަފުތާއަކުވެސް މަދުވެގެން ކޮންމެވެސް ދެމެންބަރުން ބައިވެރިވާނެކަމަށް ކައުންސިލުން ބުނެއެވެ.
ކުޅުދުއްފުށީގެ މޭޔަރު މުހައްމަދު އާތިފް ވިދާޅުވީ މިގޮތަށް ގަޑިއެއް ހަމަޖެއްސީ ރައްޔިތުންނަށް ފަސޭހައިން ކައުންސިލް މެންބަރުންނާއި ބައްދަލު ކުރުމުގެ މަގު ފަހިކޮށްދިނުމަށް ކަމަށެވެ. އަދި ކައުންސިލުން ބޭނުންވަނީ ކަންކަން ކުރުމުގައި ވީހާވެސް ބޮޑަކަށް ރައްޔިތުންގެ ޚިޔާލާއި މަޝްވަރާ ހޯދައިގެން ކުރަންކަމުގައި އާތިފް ވިދާޅުވިއެވެ.
ރައްޔިތުންގެ އަޑު ގާތުން އަހާ ރައްޔިތުންގެ އުންމީދުތައް ހަގީގަތަކަށް ހަދައި ދިނުމަށް މަސައްކަތް ކުރުމަކީ ކުޅުދުއްފުށިި ސިޓީގެ ކައުންސިލްގެ އެންމެ ބޮޑު އަމާޒުކަމުގައި މޭޔަރު ވިދާޅުވިއެވެ.
ކުޅުދުއްފުށި ސިޓީ ކައުންސިލަކީ ފުލް މެޖޯރިޓީ ވެރިކަންކުރާ ޕާޓީ ޢެމްޑީޕީއަށް އޮންނަ ކައުންސިލެކެވެ.
