ދިރާގާއި ވިމެން އިން ޓެކް މޯލްޑިވްސްއިން ކުރިއަށް ގެންދާ ސިލްސިލާ ކޯޑިންގ ޕްރޮގްރާމްގެ ތެރޭން, ގަރލްސް ޓު ކޯޑްގެ ކުޅުދުއްފުށީގައި ބޭއްވުނު ޕްރޮގްރާމް ނިންމާލައިފިއެވެ. މި ޕްރޮގްރާމް ހިންގުނީ 1 ސެޕްޓެމްބަރ 2021އިން ފެށިގެން 16 ނޮވްމެބަރ 2021ގެ ނިޔަލަށެވެ.

ގަރލްސް ޓު ކޯޑްގެ މިއަހަރު ހިންގުނު މިޕްރޮގްރާމްގައި، 14 އަހަރާއި 20 އަހަރާ ދެމެދުގެ އުމުރުފުރާގެ، ކޯޑިންގއަށް މުޅިން އާ، ޖުމްލަ 18 ދަރިވަރުން ވަނީ ހދ. ބައިވެރިވެފައެވެ.

މިރަސްމިއްޔާތު ޝަރަފްވެރި ކޮށްދެއްވަައި ވާހަކަ ދައްކަވަމުން ކުޅުދުއްފުށީ ސިޓީގެ މޭޔަރ އާތިފް ވިދާޅުވީ، ކުޅުދުއްފުށީގެ ތަރައްގީ ޕްލޭންގައި މީހުން ބިނާ ކުރާ ދާއިރާތަކުގެ ތެރޭގައި ޓެކްނޮލޮޖީ ދާއިރާ ހިމެނޭކަމަށެވެ . ޕްރޮގްރާމްގެ ބައިވެރިންނާ މުޚާތަބުކުރައްވައި، ޕްރޮގްރާމުން ދަސްވި ހުނަރުތަކުގެ ބޭނުންކޮށް އިތުރަށް ތަރައްގީކޮށް ޓެކްނޮކޮޖީ ދާއިރާއަށް ނުކުތުމަށް އޭނާ އިލްތިމާސްކުރެއްވިއެވެ. ދިރާގާއި ވިމެން އިން ޓެކް މޯލްޑިވްސްއިން ކުޅުދުއްފުށީގައި މިފަދަ މުހިންމު ޕްރޮގްރާމްއެއް ހިންގި ކަމަށްޓަކައި އޭބާ ޝުކުރުދެންނެވިއެވެ.

މިހަފްލާގައި ޓެކްނޮލޮޖީ ދާއިރާގައި ދިރާގުގައި ހުރި ފުރުސަތުތަކާއި ބެހޭގޮތުން ދިރާގުގެ މެނޭޖަރ ކޯޕަރޭޓް ސޯޝަލް ރެސްޕޮންސިބިލިޓީ އަލްފާޞިލާ ބިޝާރާ ހަމީދު ވާހަކަ ދެއްކެވިއެވެ. އަދި މިއަހަރު އިންފޮމޭޝަން ޓެކްނޮލޮޖީއަށް ޚާއްޞަކޮށްގެން ގްރެޖުއޭޓް އެޕްރެންޓިސްޝިޕް ފުރުސަތުތައް ދިރާގުން ހުޅުވާލި ވާހަކަވެސް ފާހަގަ ކުރެއްވިއެވެ.

މިރަސްމިއްޔާތުގައި މިކޯހުގެ ބައިވެރިންގެ ޕްރޮޖެކްޓް ތަކުގެ ތެރޭން އެންމެ މޮޅު 3 ޕްރޮޖެކްޓް ހެދި ދަރިވަރުންނަށްވަނީ ސެޓްފިކެޓް ދީފައެވެ.