ކުޅުދުއްފުށީ ސިޓީގެ ކަނބަލުންން ނަށް ދަބަސް ފަހަން ދަސްކޮށްދޭ ކޯހެއް ފަށަނީ.
21 ނޮވެމްބަރު 2021 | އާދީއްތަ 05:03މިކޯހަށް ބައިވެރިން ހޮވަން ހަމަޖެހިފައިވަނީ ފޯމް ހުށަހަޅާ ބައިވެރިންގެ ތެރޭން ގުރުއަތުލައިގެން
ކުޅުދުއްފުށި ކަނބަލުންނަށް ބޭއްވި ހިޔަލަ އެކްސްޕޯ ހުޅުވުމުގެ ރަސްމިއްޔާތުގެ ތެރޭން
ޔޫތް މިނިސްޓްރީއާއި ކުޅުދުއްފުށީގެ އަންހެނުންގެ ތަރައްގީއަށް މަސައްކަތްކުރާ ކޮމެޓީ ގުޅިގެން ކުޅުދުއްފުށީގައި ދަބަސް ފަހަން ދަސްކޮށްދޭ ކޯހެއް ފަށަން ހަމަޖެހިއްޖެހިފައިވާ ކަމަށް އެކޮމެޓީން ބުނެފިއެވެ.
ޑަބްލިޔުޑީސީގެ ރައީސާ ހަދީޖާ މޫސާ ވިދާޅުވީ މި ކޯސް ކުރިއަށް ގެންދިއުމަށް ކުރިން ހަމަޖެހިފައިއޮތީ މިމަހުގެ 25 ގައެވެ، އެހެންނަމަވެސް މިހާރު ކޯސް ކުރިއަށްދާނީ މިމަހުގެ 24 ވަނަ ދުވަހުން ފެށިގެން 26 ވަނަ ދުވަހުގެ ނިޔަލަށެވެ. ތިން ދުވަހުގެ މުއްދަތަކަށް ކުރިއަށް ގެންދާ މިކޯހުގައި ކިޔަވައި ދިނުމަށް ހަމަޖެހިފައިވަނީ ޔޫތް މިނިސްޓްރީގެ ފަރާތުން ހަމަޖައްސާ ދެ ބޭފުޅެކެވެ.
25 މީހުންނަށް ޖާގަދީގެން ކުރިއަށްގެންދާ މިކޯހުގައި މިހާތަނަށް 83 ފަރާތަކުން ފޯމު ހުށަހަޅާފައިވެ އެވެ. ހަދީޖާ ވިދާޅުވީ މިހާތަނަށް 83 ފަރާތަކުން ފޯމު ހުށަހަޅާފައިވާ ކަމަށާއި މީގެތެރެއިން 25 މީހުން ނެގުމަށް ހަމަޖެހިފައިވަނީ ގުރުއަތުން ކަމަށެވެ. ގުރުއަތުލުން ކުރިއަށްދާނީ މިމަހު 23 ވަނަ ދުވަހު ކަމަށާއި ގުރުއަތުލުން ޑަބްލިއުޑީސީގެ ފޭސްބުކް ޕޭޖުން ލައިވްކުރާނެ ކަމަށް ހަދީޖާ ވިދާޅުވި އެވެ.
ކޯސް ކުރިއަށް ގެންދިއުމަށް ހަމަޖެހިފައިވަނީ އެންއޯސީ ހޯލުގަ އެވެ. އަދި ކޯހުގައި ބައިވެރިވާ ފަރާތްތަކުން ކޯހަށް އަންނައިރު ކަތުރަކާ އަމިއްލަ ފަހާ ފޮއްޓެއް ގެނައުމަށް ހަދީޖާ ވަނީ ވިދާޅުވެފަ އެވެ. އެހެންނަމަވެސް ދެން ބޭނުންވާނެ ހުރިހާ ސާމާނެއް އެކޮޅުން ފޯރުކޮށްދޭނެ ކަމަށް ހަދީޖާ ވިދާޅުވި އެވެ.
