ހދ. ކުޅުދުއްފުށީ ރީޖަނަލް ހޮސްޕިޓަލް ގެ އާ އޯޕީޑީ ހެދުމަށް، ހެލްތު މިނިސްޓްރީން އެމްޓީސީސީއާއެކު އެއްބަސްވުމެއްގައި ސޮއިކޮށްފިއެވެ.
މިކަން ހާމަކުރައްވާފައިވަނީ ހެލްތު މިނިސްޓްރީން ކުރެއްވި ޕޯސްޓަކުންނެވެ. ހެލްތު މިނިސްޓްރީގެ ފަރާތުން މިއެއްބަސްވުމުގައި ސޮއިކުރެއްވީ މިނިސްޓަރ އޮފް ސްޓޭޓް ފޯރ ހެލްތު، އަޙްމަދު ޢާދިލްއެވެ. މޯލްޑިވްސް ކޮންޓްރެކްޓިންގ ކޮންޕެނީ ޕަބްލިކް ލިމިޓެޑްގެ ފަރާތުން ސޮއިކުރެއްވީ ޗީފް އޮޕަރޭޝަން އޮފިސަރ، ޝާހިދު ޙުސައިން މޫސާ އެވެ.
މި އެއްބަސްވުމުގެ ދަށުން 21 ކޮންސަލްޓޭޝަން ރޫމާއި އާ ކާޑިއެކް ސެންޓަރަކާއި ރިސެޕްޝަން އަދި ވެއިޓިންގ އޭރިއާއެއް ހަދާނެއެވެ.
މިއީ 20.2 މިލިއަން ރުފިޔާގެ މަޝްރޫއެކެވެ. މި މަޝްރޫއުގެ މަސައްކަތް އެމްޓީސީސީއާ ހަވާލު ކުރީ 180 ދުވަހުގެ ތެރޭ ނިންމާ ގޮތަށެވެ.
