ދަރަވަންދޫ މެޖިސްޓްރޭޓް ކޯޓުގެ އިސްމެޖިސްޓްރޭޓް, އަޙްމަދު ލަޠީފު ސަސްޕެންޑް ކޮށްފިއެވެ.

އަހުމަދު ލަތީފް ސަސްޕެންޑް ކޮށްފައިވަނީ، ޖުޑިޝަލް ސަރވިސް ކޮމިޝަނުން ބެލި އޭނާގެ ސުލޫކީ މައްސަލައަކާ ގުޅިގެންނެވެ. މި މައްސަލައަކީ، ބ.ތުޅާދޫ މެޖިސްޓްރޭޓް ކޯޓަށް ހުށަހެޅުނު ޖިނާއީ 05 މައްސަލައެއްގައި ހިމެނޭ ޚަޞްމަކާ އޮންނަ ގުޅުމަކާ ގުޅިގެން ކަމަށްބުނެ އެ މައްސަލަތައް ބެލުމުން އިސްމެޖިސްޓްރޭޓް އަޙުމަދު ލަޠީފު ތަނާޒުލްވެ، ހަމަ އެ ޚަސްމާ ގުޅޭގޮތުން ބ.ދަރަވަންދޫ މެޖިސްޓްރޭޓް ކޯޓަށް ހުށަހެޅުނު މައްސަލައެއް ބެލުމުން އިސްމެޖިސްޓްރޭޓް އަޙްމަދު ލަޠީފު ތަނާޒުލުވުމެއްނެތި، އެ މައްސަލައިގައި ހިމެނޭ ޚަސްމުގެ ބަންދާމެދު ގޮތެއް ނިންމާފައިވާތީއާއި، އަދި އޭނާގެ ބަންދާމެދު ގޮތެއް ނިންމާފައިވަނީވެސް ކަނޑައެޅިގެން ޤާނޫނާ ޚިލާފަށް ކަމަށްވާތީ ކަމަށް ބުނެ ޖޭއެސްސިން ބެލި މައްސަލައެކެވެ.

އޭނާގެ މި އަމަލު ތަކަކީ، ދިވެހިރާއްޖޭގެ  ފަނޑިޔާރުންގެ ޤާނޫނޫގެ 7 ވަނަ މާއްދާއާއި، 32 ވަނަ މާއްދާގެ (3) ވަނަ ނަންބަރާއި، 33 ވަނަ މާއްދާގެ (ށ)އާއި، ފަނޑިޔާރުންގެ ސުލޫކީ މިންގަނޑާއި ޚިލާފަށް ކޮށްފައިވާ ޢަމަލަކަށްވާ އަމަލެއް ކަމަށް ޖޭއެސްސީން ބުނެއެވެ.

އެހެންކަމުން ޖުޑީޝަލް ސަރވިސް ކޮމިޝަންގެ ޤާނޫނުގެ ދަށުން، 18 ނޮވެންބަރު 2021 ވަނަ ދުވަހުން ފެށިގެން މުސާރަ ނުލިބޭގޮތަށް 2 (ދޭއް) ހަފުތާގެ މުއްދަތަށް ފަނޑިޔާރު ކަމުގެ މަސައްކަތުން ދުރުކުރުމަށް އެ ކޮމިޝަނުންވަނީ ނިންމާފައެވެ.

އަޙްމަދު ލަޠީފު، ސަސްޕެންޑް ކުރަން ނިންމުމާ ގުޅިގެން، ބ.ޖުޑީޝަލް ދާއިރާ ހިންގުން ބ.ކަމަދޫ މެޖިސްޓްރޭޓް ކޯޓުގެ އިސްމެޖިސްޓްރޭޓް އަލްއުސްތާޛު އަޙްމަދު ޝުޖާޢުއާ ވަނީ ހަވާލުކޮށްފައެވެ.