ރާއްޖެ
މަރުވެފައި އޮތް މީހަކު ފެނުން
މާލޭގެ ގެއަކުން މަރުވެ ކުނިވެފައި އޮތް މީހަކު ފެނިއްޖެ
ފުލުހުން ގެންދަނީ އެ ސަރަހައްދުގައި ހަރަކާތްތެރިވަމުން
ތޯހިރާ އަޒްހާރް, ރާއްޖެ އެމްވީ | 14 ނޮވެމްބަރު 2021 | އާދީއްތަ 11:33
މަރުވެފައި އޮތް މީހާ ފެނުނު ގެ
މާލޭގެ ފަޅު ގެއަކުން މަރުވެފައި އޮތް މީހަކު ފެނިއްޖެއެވެ.
ފުލުހުން ބުނީ މައްޗަންގޮޅީގައިހުރި ފަޅު ގެއަކުން ކުނިވަސްދުވާކަމުގެ މައުލޫމާތު ލިބިގެން ފުލުހުން ގޮސް އެ ގެ ބަލައި ފާސްކޮށްފައިވާކަމަށެވެ. އެގޮތުން އާދިއްތަ ދުވަހުގެ މެންދުރު 15:42 އެހާއިރު ފުލުހުން ގޮސް ބެލިއިރު މަރުވެފައި އޮތް މީހެއްގެ ހަށިގަނޑު ފެނިފައިވާކަމަށެވެ.
މަރުވެ ކުނިވެފައި އޮއްވާ ފެނުނީ 37 އަހަރުގެ ދިވެއްސެއް ކަމަށް ފުލުހުން ބުނެފައިވެއެވެ. އެމީހާގެ ހަށިގަނޑު އަދިވެސް އެ ގެއިން ނެރެފައެއް ނުވެއެވެ.
ފުލުހުން ގެންދަނީ އެ ސަރަހައްދުގައި ހަރަކާތްތެރިވަމުންނެވެ.
