މަހާޖައްރާފަކީ ވިސްނާނުލާ ކޮށްފައި އޮތް ޚަރަދެއް، ދަތިތަކެއް އެބަހުރި: އާޒިމް
29 އޮކްޓޯބަރު 2021 | ހުކުރު 02:22މަހާ ޖައްރާފާއަށްވުރެ ކަޓާ ޑްރިޖާސްގެ ބޭނުން މުހިންމު
އެމްޓީސީސީގެ އެމްޑީ އާދަމް އާޒިމް
މަހާޖައްރާފަކީ ވިސްނާ ނުލާ ކޮށްފައި އޮތް ޚަރަދެއް ކަމަށާއި، އޭގެ ސަބަބުން ދަތިތަކާ ކުރިމަތިވާ ކަމަށް އެމްޓީސީސީގެ މެނޭޖިންގ ޑިރެކްޓަރު އާދަމް އާޒިމް ވިދާޅުވެއްޖެއެވެ.
ރާއްޖެޓީވީގެ "ފަލަ ސުރުޚީ" ޕްރޮގްރާމްގައި ވާހަކަ ދައްކަވަމުން އާޒިމް ވިދާޅުވީ މަހާ ޖައްރާފަކީ އަސްލު މާބޮޑު ހިއްކުން ހިއްކޭ އެއްޗެއް ނޫން ކަމަށެވެ. އާޒިމް ވިދާޅުވީ މިއީ އެންމެ ރަނގަޅަށް ވިސްނާނުލާ ކޮށްފައިވާ ޚަރަދެއް ކަމަށެވެ. އެހެންކަމުން ބިން ހިއްކުމުގެ މަސައްކަތް ކުރުމަށް އިތުރު ކަޓާ ޑްރިޖާސް ހޯދުމަށް މަސައްކަތް ކުރަމުން އަންނަ ކަމަށެވެ.
އާޒިމް ވިދާޅުވީ މަހާ ޖައްރާފަށްވުރެ ފެންވަރު ރަނގަޅު ކަޓާ ޑްރިޖާސް ހޯދިނަމަ ރަނގަޅުވާނެ ކަމަށާއި، އެމްޓީސީސީގައި މިހާރު ހުރި ކަޓާ ޑްރިޖާސްތަކަކީ ދުވަސްވީ ޑްރިޖާސްތަކެއް ކަމަށެވެ. އެހެންކަމުން އެ ކަޓާ ޑްރިޖާސްގެ މަރާމާތުގެ މަސައްކަތް ކުރަން ޖެހިފައިވާ ކަމަށް އާޒިމް ވިދާޅުވިއެވެ.
އާޒިމް ވިދާޅުވީ، މި ދަތިތަކާއެކު ވެސް އެމްޓީސީސީގެ މަސައްކަތްތައް ހުއްޓުމެއް ނުތި ކުރިޔަށްދާނެ ކަމަށާއި، މި މަސްތެރޭ މާލޭ ރައްޔިތުން އެންމެ ބޭނުންވާ ޕިކްނިކް އައިލޭންޑްގެ މަސައްކަތް ފެށިގެންދާނެ ކަމަށެވެ.
ފަންސާސް މީޓަރުގެ އަޑިން ވެލި ނެގުމުގެ ގާބިލްކަން ލިބިފައިވާއިރު މަހާޖައްރާފާއިން އެއްފަހަރާ 3700 ކިއުބިކް މީޓަރުގެ ވެލި ބަރު ކުރެވެ އެވެ. މި ކޮންނަ ބޯޓްގެ ދިގު މިނުގައި 92.95 މީޓަރު އަދި ފުޅާމީނުގައި 16.30 މީޓަރު ހުރެ އެވެ.
