އިންޓަނޭޝަނަލް ޝެފް ޑޭ ފާހަގަކޮށްފި
ގުރޭޑު 5ގެ 30 ކުދިން މި ދުވަސް ފާހަގަ ކުރަން ބައިވެރިވި
ބައިނަލްއަގުވާމީ ޝެފުންގެ ދުވަސް ފާހަގަކުރުން
މެންހެއްޓަން ބިޒިނަސް ހޮޓަލްގައި އަންގާރަ ދުވަހު އިންޓަނޭޓަނަލް ޝެފް ޑޭ ފާހަގަކޮށްފިއެވެ.
އިންޓަނޭޓަނަލް ޝެފް ޑޭ އަކީ ދުނިޔޭގެ ހުރިހާ ގައުމަކުންވެސް ފާހަގަ ކުރަމުންއަން ދުވަހެކެވެ.
މެންހެއްޓަން ބިޒްނަސް ހޮޓެލްގައި ބޭއްވުނު މި ޚާއްސަ ރަސްމިއްޔާތުގައި ވާހަކަ ދައްކަމުން ފެކަލްޓީ އޮފް ހޮސްޕިޓާލިޓީ އެންޑް ޓުއަރިޒަމް ސްޓަޑީސްގެ ފަރާތުން ޒީނަތު ސޯލިހު ވިދާޅުވީ، ބައިނަލްއަގުވާމީ ގޮތުން މި ދުވަސް ފާހަގަ ކުރުމުގެ މައިގަނޑު 2 މަގުސަދަކަށް ވެފައިވަނީ، ކުރިއަށް އަންނަންއޮށް ޖީލުތަކަށް ވީހާވެސް ކުޑަ ޚަރަދެއްގައި "ނިއުޓްރިޝަނަލީ ބެލެންސްޑް" ޑައިޓެއް ތައްޔާރު ކުރުމަށާއި، ލިބެންހުރި އެއްޗެހި ބޭނުން ކޮށްގެން ވީހާވެސް ފަސޭހައިން ތައްޔާރު ކޮށްލެވޭ ކާއެއްޗެއް ކުދިންނަށް ދަސްކޮށްދިނުމެވެ. އަދި އެ ފެކަލްޓީއަކީ ޝެފުން ބިނާކުރާ ފެކަލްޓީއެއްކަމުން, އެ ފެކަލްޓީއިން ކުރާ މަސައްކަތް ކުދިންނަށް ދައްކާލުމަކީވެސް ފެކަލްޓީގެ އެއް މަގުސަދެވެ.
މިއަހަރު އިންޓަނޭޝަނަލް ޝެފް ޑޭ މި ފާހަގަ ކުރަނީ ޝެފް ގިލްޑް އެސޯސިއޭޝަން އޮފް މޯލްޑިވްސް (ސީޖީއެމް)އާއި ޣިޔާސުއްދީން ސްކޫލާއި ގުޅިގެންނެވެ. މި ގޮތުން ޣިޔާސުއްދީންގެ ގުރޭޑު 5ގެ 30 ކުދިން މި ދުވަސް ފާހަގަ ކުރަން ބައިވެރިވިއެވެ.
އެގޮތުން ފެކަލްޓީގެ މަގުސަދަކީ ކޮންމެ ފަހަރަކުވެސް ކޮންމެވެސް 1 ސްކޫލަކާއި ގުޅިގެން ދަރިވަރުންނަށް މި ފެކަލްޓީގަ ކިޔަވައިދޭ މާއްދާތަކާއި ޕްރެކްޓިކަލް ކުލާސްތައް ކުރިއަށް ގެންދާގޮތް ދައްކާލުމެވެ. ޚާއްސަކޮށް ކެއްކުމުގެ ދާއިރާގަ ހުރި ފުރުސަތުތައް ދައްކާލުމަށާއި ސިންޕަލް ރެސިޕީތައް ކުދިންނާއި އެކީ ބައިވެރި ވެގެން ދައްކާލުމެވެ.
މިއަދުގެ ސެޝަންގަ މި ކުދިންނަށް ދައްކާލީ ސިއްހަތަށް ވަރަށް ފައިދާ ހުރި 2 ބުއިމަކާ ވަރަށް ފަސޭހައިން ހަދާލެވޭ ސޭންޑްވިޗްގެ 2 ވައްތަރަކާ އަދި މަޝްހޫރު ޖަޕަނީސް ކާއެއްޗެއް ކަމުގައިވާ "ސޫޝީ" ހަދާލެވޭގޮތެވެ. މިފަދަ ސެޝަން ތަކުގައި ކުދިން އައިސް ތަނެއްގައި ތިބެ އަޑުއެހުމަށް ވުރެ, ބައިވެރިވެގެން އެއްޗެއް ދަސްވުމަކީ އެ ކުދިންނަށް ލިބޭ ވަރަށް ބޮޑު ކުރިއެރުމެކެވެ.
