ކޮވިޑް ބަލީގައި މިއަދުގެ 2 ވަނަ މަރު
26 އޮކްޓޯބަރު 2021 | އަންގާރަ 12:15މިއަދު ނިޔާވި ދެމީހުންނަކީވެސް އައްޑޫއިން ނިޔާވި ދެމީހުން
ތޯހިރާ އަޒްހާރް | 26 އޮކްޓޯބަރު 2021 | އަންގާރަ 12:15
ކޮވިޑް-19 ބަލީގައި ނިޔާވާ މީހުން ވަޅުލުމަށް ތައްޔާރުވުމުގެ ތެރެއިން
އަންގާރަ ދުވަހު ކޮވިޑް-19 ބަލީގައި އިތުރު މީހަކު ނިޔާވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ބުނީ އައްޑޫ ކޮވިޑް މެނޭޖްމެންޓް ފެސިލިޓީގައި އެޑްމިޓުކޮށްގެން ފަރުވާ ދެމުންދިޔަ އުމުރުން 74 އަހަރުގެ ދިވެހި ފިރިހެނަކު ނިޔާވެފައިވާކަމަށެވެ.
އޭނާ ނިޔާވީ އަންގާރަ ދުވަހުގެ މެންދުރު 13:10ގައި ކަމަށް އެޗްޕީއޭއިން ބުނެފައިވެއެވެ.
މިއީ ކޮވިޑް ބަލީގައި ނިޔާވި 242 ވަނަ މީހާއެވެ.
މީގެއިތުރުން ރޭ ދަންވަރު 12:10ގައި ވެސް އައްޑޫ ކޮވިޑް މެނޭޖްމަންޓް ފެސިލިޓީގައި ފަރުވާ ދެމުންދަނިކޮށް 86 އަހަރުގެ ދިވެހި ފިރިހެނަކު ވަނީ ނިޔާވެފައެވެ. މިއާއެކު މި މަހު އައްޑޫއިން މި ބަލީގައި ނިޔާވި މީހުންގެ އަދަދު މިވަނީ 5އަށް އަރާފައެވެ.
