'މިޔަހެލި' ސޯޝަލް އިނޮވޭޝަން ކޭމްޕް ނިންމާލައިފި

'މިޔަހެލި' ސޯޝަލް އިނޮވޭޝަން ކޭމްޕް ނިންމާލައިފިއެވެ.

މިއަހަރުގެ 'މިޔަހެލި' ސޯޝަލް އިނޮވޭޝަން ކޭމްޕް 2021 ނިންމުގެ ރަސްމިޔާތުގައި މޮޅުވި 5 ޚިޔާލުގެ ބައިވެރިންނަށް ވަނީ އިނާމު ހަވާލު ކޮށްފައެވެ. މިފަހަރުގެ ކޭމްޕުގައި 18 އަހަރާ 30 އަހަރާ ދެމެދުގެ 30 ޒުވާނުން ވަނީ ބައިވެރިވެފައެވެ. ކޮވިޑް-19ގެ ބަލިމަޑުކަމުގެ ސަބަބުން މިއަހަރުގެ 'މިޔަހެލި' ކޭމްޕުގައި ބައިވެރިވުމުގެ ފުރުސަތު ހުޅުވާލެވިފައިވަނީ އއ، އދ، ވ އަދި ކ އަތޮޅުގެ ޒުވާނުންނަށް އެކަންޏެވެ. ބައިވެރިން ތަމްރީނުކުރުމުގެ ގޮތުން ތަޖުރިބާކާރުންގެ އެހީގައި، މީހުންނާއި ދުނިިޔޭގެ ފާގަތިކަމަށްޓަކައި އުފެއްދުންތެރިކަމުގެ ރޮނގުން އީޖާދީ ޚިޔާލުތައް ވަނީ ހުށަހަޅާފައެވެ.

Advertisement

ޖަޖުންގެ ޕެނަލް އަކުން ބެލުމަށްފަހު، ޖުމްލަ 10 ޚިޔާލުގެ ތެރެއިން ހޮވިފައިވާ 5 ހައްލަކީ:

މޮޅުވި ޓީމުތަކުގެ ޚިޔާލުތަކަށް އަމަލީ ސިފަގެނައުމަށްޓަކައި, ކަނޑައެޅިފައިވާ އުސޫލުގެ ދަށުން ފައިސާގެ އެހީތެރިކަން ލިބޭނެއެވެ.

ޔޫ.އެން.ޑީ.ޕީއާއި އުރީދޫ މޯލްޑިވްސްގެ އިތުރުން، (2019 ވަނަ އަހަރުން ފެށިގެން) 'މިޔަހެލި' ބާއްވަމުން ދަނީ މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓްގެ އެއްބާރުލުމާ އެކުގައެވެ. މީގެ އިތުރުން މި އަހަރުގެ ކޭމްޕު ބާއްވާފައިވަނީ ޔޫތު ކޯ:ލެބް އަދި ބިޒްނަސް ސެންޓަރ ކޯޕަރޭޝަން (ބީސީސީ)ގެ އެއްބާރުލުމާއި، އޮސްޓްރޭލިޔާގެ ސަރުކާރާއި ޔޫރަޕިޔަން ޔޫނިއަން (އީ.ޔޫ.)ގެ މާލީ އެހީތެރިކަމުގެ ދަށުންނެވެ.

ކުރީ އަހަރުތަކެކޭ އެއްފަދައިން، 6 ވަނަ މިޔަހެލި ކޭމްޕުގެ ވެސް މަގުސަދަކީ މުޖްތަމަޢުގައި ފައިދާ ކުރަނިވި މަސައްކަތް ކުރުމަށް ޒުވާނުންނަށް އެއްބާރުލުން ދިނުމެވެ. 'މިޔަހެލި'އަކީ މުހިންމު އިޖްތިމާއީ ކަންކަމަށް ބޭނުންވާނެފަދަ ޓެކްނޮލޮޖީ ހިމެނޭ, އަދި ނުހިމެނޭ އިޖްތިމާއީ އީޖާދުތައް އުފެއްދުމަށް އީޖާދުކުރާ މީހުންނާއި، މެންޓަރުން އަދި ޚިޔާލުތައް އެއްތަނަކުން ގުޅުވާލަދޭ ގޮތަށް ހިންގާ މަންސައެކެވެ.

މިޔަހެލި އަކީ 2016 ވަނަ އަހަރުން ފެށިގެން ޔޫއެންޑީޕީ މޯލްޑިވްސްއާއި އުރީދޫ މޯލްޑިވްސް ގުޅިގެން އަދި އޮސްޓްރޭލިޔާ ސަރުކާރާއި އަދި އެހެނިހެން ފަރާތްތަކުގެ އެހީގައި ބާއްވާ ސޯޝަލް އިނޮވޭޝަން ކޭމްޕެކެވެ. ކޭމްޕުގެ މަގުސަދަކީ ޒުވާނުންނަށް މުޖްތަމައުގައި ފައިދާ ކުރުވަނިވި މަސައްކަތް ކުރަން އެއްބާރުލުން ދިނުމެވެ. މިއަހަރު، މިޔަހެލި އިންތިޒާމްކުރަނީ ބަދަލުތައް ގެންނާނެ މީހުންނާއި، ތަޖުރިބާކާރުންނާއި، މީހުން ދުނިޔެ އަދި ތަރައްގީގެ ރޮނގުތަކުން ބަދަލުތައް ގެންނާނެފަދަ އީޖާދީ ޚިޔާލުތައް އެއްތަންކުރުމުގެ ނިޔަތުގައެވެ. 2016 ވަނަ އަހަރުން ފެށިގެން 160 ވުރެ ގިނަ ޒުވާނުން ވަނީ  މިޔަހެލީގައި ބައިވެރިވެ، އައު އީޖާދުތައް އުފައްދާފައެވެ.