ކޮވިޑްގެ އެންމެ ގިނަ ކޭސް މިއަދު ރިޕޯޓުކޮށްފައިވަނީ ގުރައިދޫއިން

އެއްމަސްދުވަހަށްފަހު ދިވެހިރާއްޖޭގައި ކޮވިޑް-19ގެ ކޭސްތައް 200އިން މައްޗަށް އަރާފައި ވާއިރު ހެލްތު ޕްރޮޓެކްޝަން އެޖެންސީ ( އެޗް.ޕީ.އޭ)ގެ އެންމެ ފަހުގެ މައުލޫމާތުން ދައްކާގޮތުގައި މުޅި ރާއްޖެއިން މިއަދު 225 މީހަކު ކޮވިޑް-19އަށް ފައްސިވެފައިވެއެވެ.

އެގޮތުން މާލެ ސަރަހައްދުން 39 މީހަކާއި، ރިޒޯޓުތަކުން 33 މީހަކު އަދި އަތޮޅުތެރެއިން 153 މީހަކު ވަނީ ފައްސިވެފައިވެއެވެ. ރަށްރަށުން ފައްސިވީ މީހުންގެ ތެރެއިން އެންމެގިނަ އަދަދެއްގެ މީހުން ފައްސިވެފައިވަނީ ކ.ގުރައިދޫއިންނެވެ. ކ. ގުރައިދޫއިން ޖުމުލަ 86 މީހަކު މި ބައްޔަށް ފައްސިވެފައިވާއިރު 17 މީހުންނާއިއެކު ދެވަނައަށް އެންްމެ ގިނަ ކޭސް ރިޕޯޓުކޮށްގައި ވަނީ އައްޑޫއިންނެެވެ.

އެޗް.ޕީ.އޭގެ ތަފާސްހިސާބުތަކުން ދައްކާގޮތުގައި ދިވެހި ރާއްޖެއިން ޖުމްލަ 86830 މީހަކަށް ވަނީ މި ބަލި ޖެހިފައެވެ. މީގެ ތެރެއިން 85057 މީހުންވަނީ ބަލިން ރަނގަޅުވެފައެވެ. އަދި ރާއްޖެއިން ކޮވިޑް ބަލީގައި ދުނިޔެ ދޫކުރި މީހުންގެ އަދަދު ވަނީ 240އަށް އަރާފައެވެ.